Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Junio yuʼun 2017

 KAKʼTIK TA ILEL TE JCHʼUUNEJTIK DIOSE

¿Bantito kʼalal smukʼulinej awoʼtan te bintik jamal yaloj te Jehovae?

¿Bantito kʼalal smukʼulinej awoʼtan te bintik jamal yaloj te Jehovae?

Te Josué sok te Salomón la yalik ta jamal te ma xchʼay jpʼaluk skʼop te Jehovae (Jos 23:14; 1Re 8:56). Ya xjuʼ ya smukʼulin koʼtantik te bin la yalik te chaʼtul testigoetik-abi, melel ya yakʼbeyxan yiptajib te schʼuunel koʼtantike (2Co 13:1; Tit 1:2).

Swenta ya jnaʼtik te bin-utʼil kʼot ta pasel te bin la yal te Jehová ta skʼajkʼalel te Josué, ilawil sok te afamiliaik te pelikula Maʼyuk chʼayem jpʼaluk skʼop te Jehovae. Patil ilbeyaik skʼoplal te jojkʼoyeletike: 1) ¿Bin-utʼil ya xjuʼ ya jkʼayinbeytik te schʼuunel yoʼtan te Rahab? (Heb 11:31; Snt 2:24-26). 2) Te bin kʼot ta stojol te Acán, ¿bin-utʼil ya yakʼ ta ilel te ma lek ya xkʼotik ta lokʼel te machʼatik spasemal yoʼtanik ya skʼaxuntayik te mantale? 3) ¿Bin yuʼun te gabaonetik la sloʼlayik te Josué swenta ayuk lamalkʼinal yuʼunik sok te Israel, melel ya snaik yakʼel guerra? 4) ¿Bin-utʼil kʼot ta pasel te bin la yal te Jehová ta stojol te joʼtul ajwalil amorreoetik te la skontrainik te Israele? (Jos 10:5-14). 5) ¿Bin-utʼil skoltayejat te Jehová kʼalal ya yil te jaʼ nail awakʼoj ta akuxlejal te Ajwalinel yuʼune? (Mt 6:33).

Te kʼalal ya jnopilan ta koʼtantik te bintik spasoj te Jehová, te bintik yak ta spasel sok te bintik yato xbajtʼ spase, jaʼ ya yakʼbeyxan yip te schʼuunel koʼtantike (Ro 8:31, 32).

¿Tulanbal te schʼuunel awoʼtan jich bitʼil te Josué?