Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS JUNIO 2016

 KAKʼTIK TA ILEL TE JCHʼUUNEJTIK DIOSE

Lekubtesa te bin-utʼil ya achol te skʼop Diose: Jtuuntestik te videoetik ta yakʼel ta nopel te smelelil kʼope

Lekubtesa te bin-utʼil ya achol te skʼop Diose: Jtuuntestik te videoetik ta yakʼel ta nopel te smelelil kʼope

TE BIN YUʼUN TULAN SKʼOPLALE.

Te ants winiketike jaʼ ya xkʼotxan ta yoʼtanik te kʼalal ya yilik te videoetike. Jaʼ ini, maʼyuk bin ya xchʼaybot yoʼtanik yuʼun sok ma xchʼay ta yoʼtanik ta oranax te bin ya snopik tey-ae. Te Jehová jaʼ mukʼul ejemplo kuʼuntik ta stuuntesel lokʼombaetik ta pʼijubteswanej (Hch 10:9-16; Ap 1:1).

Te videoetik, ¿Aybal sbiil te Diose?, ¿Machʼa lokʼem tal ta yoʼtan te bin ya yal te Bibliae? sok ¿Bin yuʼun ya smukʼulin koʼtantik te yuʼun-nix jaʼ smelelil-a te bin ya yal te Bibliae? jaʼ ya stsʼakbeyxan skʼoplal te leccion 2 sok 3 yuʼun te foyeto Lek yachʼil kʼop. Te videoetik, ¿Bin yuʼun ya skʼan ya jnoptik te Bibliae?, ¿Bin utʼil ya yichʼ akʼel te nojptesel yuʼun te Bibliae? sok te ¿Bin ya yichʼ pasel ta tsoblejetik kuʼunkotik? jaʼme ya xtijbot yoʼtanik yuʼun te ants winiketik ta snopel te Biblia sok te ya xbajtʼik ta tsobleje. Te banti ya yal pelikulaetik, ay cheʼoxeb videoetik tey-a te ya xjuʼ ya kakʼtik ta ilel kʼalal ya kakʼtik nojptesel yuʼun Biblia (km-S 5/13 paj. 3).

TE BIN-UTʼIL TA PASEL:

  • Nail xa apas descargar te video te ya akʼan ya awakʼbey yil te yajwal nae.

  • Chajpana junuk o chebuk jojkʼoyel te ya akʼan ya apasbeye sok te ya yakʼbey sujtib te videoe.

  • Ilawilik te videoe.

  • Ilawilik te bintik mukʼ skʼoplale.

PASA INI:

  • Akʼa ta ilel te spat biluk tratado sok te código te banti ya yakʼ ta ilel te video, ¿Bin yuʼun ya skʼan ya jnoptik te Bibliae?

  • Akʼa ta ilel te video, ¿Bin yuʼun ya smukʼulin koʼtantik te yuʼun-nix jaʼ smelelil-a te bin ya yal te Bibliae? sok japa te foyeto Lek yachʼil kʼop. Albeya skʼoplal te leccion 3.