Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS JUNIO 2016

 KʼULEJALIL TE AY TA BIBLIA | SALMOS 34-37

Acʼa smucʼulin awoʼtan te Jehová soc pasa te bin leque

Acʼa smucʼulin awoʼtan te Jehová soc pasa te bin leque

«Ma me xtiʼtonuc awoʼtan yuʼun te machʼatic chopol yaʼtelique»

37:1, 2

  • Mame xa awakʼ xchʼaybat awoʼtan ta spasel te aʼtelil yuʼun Jehová ta swenta te bitʼil lek skuxlejal yilel te machʼatik chopolike. Jaʼ xa awakʼ ta awoʼtan spasel te bin anopoj ya apas ta stojol te Jehová sok te bendisionetik ya atae.

«Acʼa smucʼulin awoʼtan te Jehová soc pasa te bin leque»

37:3

  • Akʼa smukʼulin awoʼtan te jaʼ ya skoltayat te Jehová kʼalal ay xchebet awoʼtan o kʼalal ay awokol ta mel-oʼtan. Jaʼme ya skoltayat yuʼun jun awoʼtan ya awakʼ aba ta stojol.

  • Jaʼ bajtʼuk awoʼtan ta scholel te lek yachʼil kʼop yuʼun te Ajwalinel yuʼun Diose.

«Acʼa smulan awoʼtan te Jehová»

37:4

  • Lokʼesa atiempo yuʼun ya akʼopon te Biblia sok ta snaʼulanel te bin ya yale, jichme ya anaʼbeyxan sba te Jehovae.

«Acʼa ta stojol Jehová te be awuʼun»

37:5, 6

  • Ayuk smukʼul awoʼtan te jaʼ ya skoltayat te Jehová ta sitintayel biluk kʼop ya xtal ta atojol.

  • Akʼa ta ilel lek atalel te kʼalal ay ya awichʼ leel ta kʼop, utsʼinel o nutsel.

«Chʼaban me ta stojol Jehová soc junuc me awoʼtan xamahliy»

37:7-9

  • Mame orauknax bin ya x-och apas te ya xjuʼ xchʼaybat sbujtsʼ kʼinal awaʼiy sok ya slajinbat te jun awoʼtan sok te Jehovae.

«Te machʼatic manso yoʼtanic ya me yichʼic hilel te qʼuinal»

37:10, 11

  • Pasa tulan yuʼun lamaluk awoʼtan, mansouk awoʼtan sok akʼa smukʼulin awoʼtan te Jehová te ya skoltayat kʼalal ay bin ya awichʼ pasbeyel te ma stojiluke.

  • Koltaya te hermanoetik sok mukʼubtesbeya kʼinal yaʼiyik te machʼatik ayik ta tulan mel-oʼtan kʼalal ya acholbey yaʼiy te bintik jamal yichʼoj alel ta swenta te yachʼil balumilal te kʼax nopol ayixe.

Te Ajwalinel yuʼun Diose yame yakʼ tal bayal bendision