Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS JUNIO 2016

 KAKʼTIK TA ILEL TE JCHʼUUNEJTIK DIOSE

Cien jaʼbil yakix ta mantalteswanej te Ajwalinel yuʼun Diose

Cien jaʼbil yakix ta mantalteswanej te Ajwalinel yuʼun Diose

Te machʼatik ya skʼan ya yakʼ sbaik ta wentainel yuʼun te Ajwalinel yuʼun Dios yame skʼan ya snopbeyik skʼoplal ta swenta-abi sok te bintik juʼem yuʼun spasele. ¿Bin yuʼun? Jich bitʼil te ya smukʼubtesbotik schʼuunel koʼtantik te bitʼil yakix ta mantalteswanej te Ajwalinel yuʼun Diose, jaʼukmeto jaʼnix jich ya stijbotik koʼtantik ta scholbeyel yaʼiy te yantik ta swenta te Ajwalinel-abi (Sl 45:1; 49:3). Te kʼalal ya awil te video, Cien jaʼbil yakix ta mantalteswanej te Ajwalinel yuʼun Diose, lebeya sujtib te jojkʼoyeletik ini:

  1. ¿Bin-utʼil koltayotik yuʼun te machʼatik la yilik te «Foto-Drama de la Creación»?

  2. ¿Bin-utʼil la yichʼ tuuntesel te radio swenta jich la yichʼ pukel te lek yachʼil kʼop ta stojol te ants winiketike?

  3. ¿Bintik-utʼil la yichʼxan cholel te skʼop Dios sok bintik lek lokʼ-a?

  4. ¿Bin-utʼil yak ta lekubel tal te bitʼil ya yichʼik pʼijubtesel te jcholkʼopetike?

  5. ¿Bin yilel te lekil pʼijubtesel la yichʼik akʼbeyel te machʼatik la yichʼik Pʼijubtesel ta Galaad?

  6. ¿Bintik lek ya xlokʼ-a te kʼalal ya yichʼ pasel te mukʼul tsoblejetik ta swenta te pʼijubtesel ya yichʼ te lum yuʼun Jehovae?

  7. ¿Bin-a te ya yakʼbat achʼuun te yuʼun-nix smelelil-a te ay te Ajwalinel yuʼun Diose sok te bitʼil yakix ta mantalteswaneje?

  8. ¿Bin-utʼil ya kakʼtik ta ilel te ya kakʼ jbatik ta wentainel yuʼun te Ajwalinel yuʼun Diose?