Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Julio yuʼun 00ok

 KAKʼTIK TA ILEL TE JCHʼUUNEJTIK DIOSE

Kakʼtik ta ilel lekil talelil te kʼalal ya jcholtik skʼop Dios ta nanatik

Kakʼtik ta ilel lekil talelil te kʼalal ya jcholtik skʼop Dios ta nanatik

Jich bitʼil te jchʼuunjelotike ayotik ta ilel ta komonsitil yuʼun te ants winiketike (1Co 4:9). Jich yuʼun mame yan-nax ya kaʼiytik-a te ay chaʼoxtul yajwal na te ya xjuʼ ya yilotik ta bentana o ya schʼam yaʼiy ta spat puerta te bin ya kaltike. Sok ayniwan jun kamara sok microfono yuʼunik te banti ya xjuʼ ya yilotik, ya schʼam yaʼiyik te kaʼiyejtik o ya spasik grabar. Akʼa kichʼtik ta wenta te bintik ya yichʼ alel ta alan swenta ya kakʼtik ta ilel lekil talelil te kʼalal ya jcholtik skʼop Dios ta nanatik (2Co 6:3).

TA JTALELTIK (Flp 1:27)

  • Te bitʼil ya kakʼtik ta ilel te ya kichʼtik ta mukʼ te ants winiketik jaʼ te maba ya juʼsitaytik te yutil snaike. Te kʼalal tekʼelotik ta tiʼ puerta mame skʼan te ay bin ya jweʼtik, ya kuchʼtik, ya jtikuntik mensaje o ya xkʼopojotik ta selular.

TE BIN YA KALBEYTIK SKʼOPLAL (Ef 4:29)

  • Te kʼalal yakotik ta smaliyel te ya sjamik te puerta mame ayuk bin ya kalbeytik skʼoplal te ma snujpʼuk te ya yaʼiy stojol te yajwal nae. Jaʼ yuʼun ay chaʼoxtul jcholkʼopetik te ya skejchan te yaʼiyejik swenta ya scholan lek ta yoʼtanik sok ya snopik ta lek te bin ya xbajtʼ yalike.

¿Bintikxan-utʼil ya xjuʼ ya kakʼtik ta ilel lekil talelil te kʼalal ya jcholtik skʼop Dios ta nanatike?