Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Julio yuʼun 00ok

 KAKʼTIK TA ILEL TE JCHʼUUNEJTIK DIOSE

¿Bin yuʼun ma x-ochat ta precursor regular jun jaʼbil?

¿Bin yuʼun ma x-ochat ta precursor regular jun jaʼbil?

¿Precursor regular? ¡Jich! Yame ata bayal bendision yuʼun (Pr 10:22).

KʼALAL YA X-OCHAT TA PRECURSOR REGULAR:

  • Yame anopxan scholel ta lek te skʼop Diose sok yame yakʼbatxan stseʼelil awoʼtan.

  • Yame xkʼoatxan ta lekil amigo yuʼun Jehová, melel te kʼalal spisil-ora ya awalbey skʼoplale yame awilbeyxan ta lek te taleliletik yuʼune.

  • Yame ata sbujtsʼ kʼinal te bitʼil jaʼ nail awakʼoj ta akuxlejal te aʼtelil yuʼun te Ajwalinel yuʼun Diose sok yame ata stseʼelil awoʼtan ta swenta skoltayel te yantike (Mt 6:33; Hch 20:35).

  • Yame awichʼ ikʼel ta tsoblej yuʼun precursoretik te ya yakʼ te superintendente yuʼun circuito kʼalal yak ta ulaʼtaywanej-ae sok ta tsoblej te yichʼ pasel kʼalal nopolix-a te mukʼul tsoblej yuʼun circuito soknix ta Pʼijubtesel yuʼun Spasel yaʼtel Dios ta swenta Precursor.

  • Yame xjuʼ ya ajap sok ya awakʼ nojptesel yuʼun Biblia.

  • Yame ajokin bayal tiempo te hermanoetik ta scholel skʼop Dios sok talel kʼaxel ya awakʼbey aba smukʼul awoʼtanik (Ro 1:11, 12).