Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Febrero yuʼun 2017

 KʼULEJALIL TE AY TA BIBLIA | ISAÍAS 63-66

Te «yachʼil chʼulchan soc yachʼil bahlumilal» ya yakʼ tseʼel oʼtanil

Te «yachʼil chʼulchan soc yachʼil bahlumilal» ya yakʼ tseʼel oʼtanil

Ta swenta te bin jamal yaloj Jehová ta sjun Isaías 65 ta schaʼlekubtesel te bintik aye yuʼun-nix melel-a. Jaʼ yuʼun jich la yalbey skʼoplal te kʼoemix ta pasel yuʼun yaʼiyele.

Te Jehová ya spas «yachʼil chʼulchan sok yachʼil bahlumilal», te banti maʼyukix ta naʼel te bin ay ta nailaltoe

65:17

¿Bin-a te «yachʼil chʼulchan»?

  • Jaʼ jun yachʼil wentainel te ya yakʼ x-ayin te bin toj ta pasel ta Balumilal.

  • Jajch te wentainel-abi ta jaʼbil 1914 kʼalal och ta Ajwalil te Cristo ta Ajwalinel yuʼun te Diose.

¿Bin-a te «yachʼil bahlumilal»?

  • Jaʼ jtsojb ants winiketik te yanyantik snasionik, skʼopik sok stsʼumbalik te ya yakʼ sbaik ta wentainel yuʼun te yachʼil Ajwalinel te ay ta chʼulchane.

¿Bin ya skʼan ya yal te maʼyukix ta naʼel te bin ay ta nailaltoe?

  • Jaʼ te ma xjulix ta koʼtantik spisil te bintik ya yakʼ jwokoltike, jich bitʼil wokolil ta jbakʼetaltik, ta jpensartik o te bin ya kaʼiy ta koʼtantike.

  • Te machʼatik jun yoʼtanik ta stojol te Diose yame smulanbeyik yutsilal te kuxlejalile, jaʼme ya skʼej ta yoʼtanik spisil te bintik tʼujbil ya xkʼax ta stojolik ta jujun kʼajkʼale.