Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik  |  Febrero yuʼun 2017

 KAKʼTIK TA ILEL TE JCHʼUUNEJTIK DIOSE

Jtuuntestik ta lek te junetik lokʼem ta Biblia

Jtuuntestik ta lek te junetik lokʼem ta Biblia

«Ta mahtanil la awichʼic, hich ni me ta mahtanil yac awaqʼuic», xchi te Jesuse (Mt 10:8). Yakotik ta schʼuunel te mantalil-abi kʼalal ma jkʼanbeytik stojol te Biblia sok te junetik ya kakʼbeytik te ants winiketike (2Co 2:17). Jaʼukmeto te junetik ini yichʼoj smelelil kʼopetik te lokʼem tal ta Biblia te mukʼik skʼoplale. Soknix ya xlaj bayal takʼin sok yichʼoj tulan aʼtel ta spasel imprimir sok te kʼalal ya yichʼ tikunel ta spisil te kongregasionetik ta swolol Balumilal. Jaʼ yuʼun jaʼnax ya skʼan ya jtsaktik te jayebnax ya xtuun kuʼuntike.

Akʼa kiltik ta lek te machʼa ya kakʼbeytik te junetike, jichnix te kʼalal ya jlokʼestik te yilojibal junetik te banti ya xkʼax bayal ants winiketike (Mt 7:6). Mame jaʼuknax te ya kakʼbeytik junetik spisil te machʼatik ya xkʼaxik tey-ae, jaʼ lek te ya jpastik tulan yuʼun ya xkʼopojotik sok te ants winiketik yuʼun jich ya kiltik teme yuʼun-nix ay skʼoplal ta yoʼtan-ae. Ilawil teme aynix junuk lek sujtib ya awakʼbey te jojkʼoyeletik ay ta recuadroe. Teme ya awil te maʼyuk lek skʼoplal ta yoʼtane, jaʼ lek akʼbeya jun-nax tratado. Jaʼukmeto teme ay machʼa ya skʼanbotik junuk revista o yanxan junetik yame skʼan ya kakʼbeytik (Pr 3:27, 28).