Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Febrero yuʼun 2017

 KʼULEJALIL TE AY TA BIBLIA | ISAÍAS 58-62

Jpuktik ta alel te «yaʼbilal cʼuxultayel» yuʼun te Jehová

Jpuktik ta alel te «yaʼbilal cʼuxultayel» yuʼun te Jehová

«Te yaʼbilal cʼuxultayel yuʼun te Jehová» ma jaʼuk te jaʼbil ya jnaʼbeytik sbae

61:1, 2

  • Jaʼ jun tiempo te ya yichʼik akʼbeyel yuʼun Jehová te machʼatik pekʼel yoʼtanik teme ya skʼan ya schʼuunik te ikʼel yuʼun libre ya xkʼotik.

  • Te bin-ora jajch te «yaʼbilal cʼuxultayel yuʼun te Jehová» ta sbabial siglo, jaʼ te kʼalal kaj schol skʼop Dios te Jesús ta jaʼbil 29 sok laj ta «scʼahcʼalel yaʼbeyel spacol yuʼun te Dios» kʼalal la yichʼ lajinel te Jerusalén ta jaʼbil 70.

  • Te bin-ora jajch te «yaʼbilal cʼuxultayel yuʼun te Jehová» ta jkʼajkʼaleltike, jaʼ te kʼalal och ta Ajwalil te Jesús ta chʼulchan ta jaʼbil 1914 sok jaʼto ya xlaj te kʼalal ya xtal te tulan wokolile.

Te Jehová ya yakʼbey bendision te lum yuʼun ta swenta te mukʼul teʼetik yuʼun bin stojil ta pasel

61:3, 4

  • Ay mukʼul teʼetik te jun-nax ya xchʼiik te ya skʼatpʼunik ta teʼtikil jpam kʼinal sok talel kʼaxel ya skoltay sbaik.

  • Ya schuk sba te yisimik ta skaj te kʼax mukʼik sok jaʼ yiptajib ya xkʼotik te kʼalal ya xtal tulan ikʼe.

  • Te mukʼul teʼetik jaʼ ya yakʼbey yaxinal te teʼetik yakik ta chʼiele sok ya slekubtes te lum kʼinal te kʼalal ya xlujbaj te yabenale.

Te yajwal kongregasion ta swolol Balumilal ya staik koltayel sok kanantayel ta swenta te mukʼul teʼetik yuʼun bin stojil ta pasel, jaʼik te machʼatik tsabilik te ya xbajtʼik ta chʼulchan te liʼto ayik ta Balumilale.