Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Febrero yuʼun 2017

KAKʼTIK TA ILEL TE JCHʼUUNEJTIK DIOSE

Koltaya te awal anichʼnabik swenta tulan schʼuunel yoʼtanik ta stojol te Jpaswaneje

Koltaya te awal anichʼnabik swenta tulan schʼuunel yoʼtanik ta stojol te Jpaswaneje

Te bintik pastiklanbil ya yakʼ ta ilel te yutsil skʼoplal te Jpaswanej kuʼuntike (Sl 19:1-4; 139:14). Jaʼukmeto, te balumilal yuʼun te Satanás bayal lotil ya yakʼ ta nopel ta swenta te bin-utʼil chiknaj te kuxlejalil te maba ya yakʼ ta ichʼel ta mukʼ te Diose (Ro 1:18-25). ¿Bin ya skʼan ya apas yuʼun ma jaʼuk ya x-och ta yoʼtan te awal anichʼnab te nojptesel-abi? Koltaya ta yalalilikto ta stulantesbeyel te schʼuunel yoʼtanik te yuʼun-nix ay-a te Jehová sok te ya xkʼanotik yuʼune (2Co 10:4, 5; Ef 6:16). Ilawilik ta lek te bin ya snopik yuʼun te bin ya x-akʼbotik snop ta eskuela sok tuuntesaik te koltayel yichʼtiklanoj pasel ta swenta snaʼel te bin-nix ay ta yoʼtanik-ae (Pr 20:5; Snt 1:19).

TE KʼALAL LA AWILIX TE VIDEO TE BIN YA YALIK YANTIK JCHʼIELETIK TA SWENTA: SCHʼUUNEL TE AY DIOS, AKʼBEYA SUJTIB TE JOJKʼOYELETIKE:

  • ¿Bin ya yalik te ants winiketik ta swenta schʼuunel te Diose?

  • ¿Bin ya yakʼik nopel ta eskuela?

  • ¿Bin-a te ya yakʼbat schʼuun awoʼtan te yuʼun-nix ay-a te Jehovae?

  • ¿Bin-utʼil ya akoltay yantik yuʼun ya schʼuun te jaʼ la spas Dios spisil te bintik aye?