Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS FEBRERO 2016

 KʼULEJALIL TE AY TA BIBLIA | NEHEMÍAS 9-11

Te machʼatik jun yoʼtanik ta stojol te Diose ya yakʼbeyik koltayel te organisasion yuʼune

Te machʼatik jun yoʼtanik ta stojol te Diose ya yakʼbeyik koltayel te organisasion yuʼune

Te lum yuʼun Diose bayal ta chajp te bin-utʼil sok spisil yoʼtan la yakʼbeyik koltayel te smelelil relijione:

10:28-30, 32-39; 11:1, 2

  • La schajpan sbaik te nasion yuʼun Israel sok yichʼoj swentail te bitʼil la spasik te kʼin yuʼun Yaxna.

  • La stsob sbaik ta jujun kʼajkʼal ta yaʼiyel stojol te Ley yuʼun te Diose, jaʼ akʼbotik stseʼelil yoʼtanik-abi.

  • La yal ta jamal smul te lume, la skʼoponik Dios sok la skʼanbeyik bendision te Jehovae.

  • La yalik ta jamal te ya xkoltaywanik ta spasel spisil te bintik ya skʼan pasel ta organisasion yuʼun te Diose.

Te bintik smakojbey skʼoplal-a te yakʼbeyel koltayel te organisasion yuʼun te Dios jaʼ te:

  • Jaʼnax nujpunik sok te machʼatik j-abatetik yuʼun te Jehovae.

  • Yakʼel takʼin.

  • Skanantayel te skʼajkʼalel kux-oʼtan.

  • Yakʼel siʼ ta swenta skajtijib te chikʼbil majtʼanil.

  • Yakʼbeyel te Jehová te sba sit awal tsʼunubil sok te sba yal te chambalametike.