Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS FEBRERO 2016

 KAKʼTIK TA ILEL TE JCHʼUUNEJTIK DIOSE

Akʼa kikʼtik spisil te ants winiketik ta jlumaltik ta swenta te Snaʼojibal slajel te Jesuse

Akʼa kikʼtik spisil te ants winiketik ta jlumaltik ta swenta te Snaʼojibal slajel te Jesuse
SJELBEYEL YELAW
Lokʼomba
Sjelbeyel yelaw

Te campaña yuʼun te jaʼbil ini ya xjajch ta 27 yuʼun febrero, akʼa jpastik tulan ta yikʼel spisil te ants winiketik ta jlumaltik yuʼun ya sjokinotik ta tsoblej yuʼun Snaʼojibal slajel te Jesuse. Yame skʼan ya kulaʼtaytik te machʼatik la stsakik jilel te sjunal ikʼele.

TE BIN-UTʼIL TA PASEL

AKʼA TA ILEL TE BIN-UTʼIL TA JAPEL

«Ya jkʼan ya kikʼatkotik ta jun tsoblej te bayal skʼoplale. Ta 23 yuʼun marzo bayal miyon ta tul ants winiketik ya stsob sbaik ta swolol Balumilal ta swenta te Snaʼojibal slajel te Jesucristo. Yame yichʼ akʼel jun discurso te lokʼem ta Biblia ta swenta te bin-utʼil ya skoltayotik te la yakʼ sba ta lajel te Jesuse. Te sjunal ikʼel ini tey ya yal-a te jayeb ora sok te banti ya yichʼ pasele. Ya jkʼankotik te yakuk ajokinonkotike.»

Teme la schʼam yaʼiy te ants winike:

  • JAPA TE J-ILKʼINAL TA TOYOL

    Albeya jilel te bin ya acholbey skʼoplal te kʼalal ya achaʼulaʼtaye.

  • AKʼA TA ILEL TE VIDEO YUʼUN SNAʼOJIBAL SLAJEL TE JESUSE

    Albeya jilel te bin ya acholbey skʼoplal te kʼalal ya achaʼulaʼtaye.

Te kʼalal ya kulaʼtaytik ta yan buelta:

  • AKʼA TA ILEL TE VIDEO ¿BIN YUʼUN YA SKʼAN YA JNOPTIK TE BIBLIAE?

    Ta patil japbeya jpajkuk jun te ya jtuuntestik ta swenta yakʼel nojptesel yuʼun Biblia.

  • JAPA TE LIBRO ¿BIN YA YAKʼ TA NOPEL TA SMELELIL TE BIBLIAE?

    Tuuntesa te bin ya yal te pajina 237 kʼalal ta 239 wenta ya achol te bin swentail te Snaʼojibal slajel te Jesuse. Ta patil japa te libroe.

  • JAPA TE FOYETO CHʼAMA AWAʼIY TE BIN YA YAL TE DIOSE

    Tuuntesa te bin ya yal te pajina 18 sok 19 ta snopbeyel skʼoplal te bin swentail te laj te Cristoe. Ta patil japa te foyetoe.