Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Enero yuʼun 2017

 KAKʼTIK TA ILEL TE JCHʼUUNEJTIK DIOSE

Akʼa jkʼoponbeytik Dios te kermanotaktik te ayik ta nutsele

Akʼa jkʼoponbeytik Dios te kermanotaktik te ayik ta nutsele

Te Biblia yalojbey skʼoplal te ya kichʼtik nutsel yuʼun te Satanás yuʼun jich ma jcholtik te skʼop Diose (Jn 15:20; Ap 12:17). ¿Aybal bin ya xjuʼ ya jpastik ta swenta skoltayel te kermanotaktik te ayik ta nutsele? Ay, jaʼ te ya xjuʼ ya jkʼopontik Dios ta stojolike. Te Biblia ya yal te machʼa toj yoʼtan ay yuʼel te bin ya skʼanbey te Diose (Snt 5:16).

¿Bintik-a te ya xjuʼ ya jkʼantik te kʼalal ya jkʼopontik te Diose? Akʼa jkʼanbeytik te Jehová te yakuk yakʼbey yip yoʼtan sok te manchuk ya xiwik te kermanotaktike (Is 41:10-13). Jaʼnix jich akʼa jkʼopontik Dios ta stojol te ajwaliletik te manchuk ya smak jbetik ta scholel te skʼop Dios swenta jich «lamaluc me qʼuinal ya xʼayinotic soc junuc coʼtantic» (1Ti 2:1, 2).

Te kʼalal la yichʼik nutsel te Pablo sok te Pedroe, te jchʼuunjeletike la skʼoponbeyik Dios ta stojolik sok la yaltiklanbeyik te sbiilike (Hch 12:5; Ro 15:30, 31). Ayniwan ma jnaʼbeytik sbiilik te jayeb machʼatik ayik ta nutsele, jaʼukmeto ya xjuʼ ya kalbeytik sbiil te kongregasion, te nasion o te lum te banti ayik te kʼalal ya jkʼopontik te Diose.

Tsibaybeya sbiil te lugaretik te banti ay hermanoetik te ayik ta nutsel te ya akan ya akoponbey Dios ta stojolike.