Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik  |  Enero yuʼun 2017

 TREASURES FROM GODʼS WORD | ISAÍAS 34-37

Te Ezequías la yil bitʼil la yichʼ koltayel ta swenta te schʼuunel yoʼtane

Te Ezequías la yil bitʼil la yichʼ koltayel ta swenta te schʼuunel yoʼtane

Te ajwalil Senaquerib yuʼun Asiria la stikun te Rabsaqué ta Jerusalén ta yalel te akʼa yakʼ sbaik ta kʼabale. Te asiriaetike ay bintik la yalbeyik te judioetik yuʼun jich ya yakʼ sbaik ta kʼabal-a.

  • Stukel ayik. Maʼyuk bin ya xlokʼ yuʼunik-a teme ya sleik koltayel ta stojol te Egiptoe (Is 36:6).

  • Chebaltesel oʼtanil. Maba ya xkoltayotik yuʼun Jehová, melel maba lek yoʼtan ta stojol te lume (Is 36:7, 10).

  • Xiwtesel. Maʼyuk bin-utʼil ta tsalel yuʼunik te soldadoetik yuʼun Asiriae (Is 36:8, 9).

  • Loʼlayel. Teme ya yakʼ sbaik ta kʼabal ta stojol te asiriaetike, ya xlekub te skuxlejalike (Is 36:16, 17).

Kʼax tulan te schʼuunel yoʼtan te Ezequías ta stojol te Jehovae

37:1, 2, 14-20, 36

  • La schajpan te lum te bantito kʼalal juʼ yuʼun ta swenta te bin-ora ya yichʼ joytayel yuʼun te skontratake.

  • Te Ezequías la skʼopon te Jehová ta skʼanbeyel te manchuk ya yichʼik lajinele sok la stulantesbey schʼuunel yoʼtan te lum ta stojol te Jehovae.

  • Te Ezequías la yil bin-utʼil la yichʼ koltayel ta swenta te schʼuunel yoʼtan kʼalal la stikun tal jtul chʼul-abat te Jehová ta smilel 185,000 ta tul soldadoetik yuʼun Asiria ta jun-nax ajkʼabal.