Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Diciembre yuʼun 2016

 KʼULEJALIL TE AY TA BIBLIA | ISAÍAS 1-5

«Mohucotic ta wits yuʼun Jehová»

«Mohucotic ta wits yuʼun Jehová»

2:2, 3

«Ta nopol slajibal cʼahcʼal»

Jaʼ te kʼajkʼal ayotik ta ora ini.

«Te wits yuʼun te sna Jehová»

Jaʼ te jkʼaxel maʼyuk bin bolobtesbil-a te yichʼel ta mukʼ te Diose.

«Spisil te nacionetic ya me xtal syom sbahic ta stojol»

Jun-nax ayik te machʼatik ya yichʼik ta mukʼ Dios te maba bolobtesbile.

«Laʼic, mohucotic ta wits yuʼun Jehová»

Te machʼatik smelelil ya yichʼik ta mukʼ te Diose ya yikʼik tal te yantik yuʼun ya yichʼik ta mukʼ-euk te Diose.

«Ha ya yaʼbotic jnoptic te behetic yuʼun, hich ya xbehenotic ta tut behetic yuʼun»

Ta swenta Biblia, te Jehová ya spʼijubtesotik sok ya skoltayotik spasel te bin ya skʼan yoʼtane.

2:4

«Ma ba ya schahpanix sbahic ta yaqʼuel guerra»

Te j-alwanej Isaías la yalbey skʼoplal te ya skʼatpʼunik ta aʼtejibaletik yuʼun aʼtel te bintik ya xmilawanik-ae yuʼun jich ya yakʼ ta ilel te lamal yoʼtanik te j-abatetik yuʼun Jehová. ¿Bintik-a te aʼtejibaletik te ya xtuun yuʼunik ta skʼajkʼalel te Isaiase?

«Ya scʼatpʼunic ta arado te espada yuʼunic»

1 Te arado jaʼ te bin ya sjokʼ sok ya swotsʼ te lume. Ay yichʼoj pastiklanel ta pejchel takʼin (1Sa 13:20).

«Te slanzahic ya scʼatpʼunic ta hoz»

2 Te hoz, jaʼ jun lejchel takʼin te juxbil ta lek te ye sok ay steʼel te banti ya yichʼ tsakele. La yichʼ tuuntesel ta swenta sbojbeyel skʼabkʼab te tsʼusubiltike (Is 18:5).