Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS DICIEMBRE 2016

 KAKʼTIK TA ILEL TE JCHʼUUNEJTIK DIOSE

Lekubtesa te bin-utʼil ya achol te skʼop Diose: tuuntesa te libro “Ayinanikme ta stojol te skʼuxul yoʼtan te Diose” swenta ya kakʼtik kʼotuk ta yoʼtan te ants winiketike

Lekubtesa te bin-utʼil ya achol te skʼop Diose: tuuntesa te libro “Ayinanikme ta stojol te skʼuxul yoʼtan te Diose” swenta ya kakʼtik kʼotuk ta yoʼtan te ants winiketike

TE BIN YUʼUN TULAN SKʼOPLALE. Te ants winiketike ya skʼan ya snopik te mantaliletik yuʼun Jehová sok te ya spas ta skuxlejalik swenta jich lek ya yil Dios te bitʼil ya yichʼik ta mukʼe (Is 2:3, 4). Te libro «Skʼuxul yoʼtan te Diose», jaʼ te schebal libro ya yichʼ nopele, jaʼ ya xkoltayotik ta snaʼel te bin-utʼil ya spas ta skuxlejalik ta jujun kʼajkʼal te mantaliletik yuʼun Diose (Heb 5:14). Ya skʼan ya jkoltaytik te machʼatik ya kakʼbeytik snop te Biblia yuʼun ya xkʼot ta yoʼtanik te bin ya snopike, te kʼalal ya sjeltay te skuxlejalike, jich maba sujbil ya yaʼiy sbaik-a (Ro 6:17).

TE BIN-UTʼIL TA PASEL:

  • Chajpana aba ta lek. Ichʼa ta wenta te bin ya xtuun yuʼun te machʼa ya awakʼbey snop te Bibliae. Pasbeya jojkʼoyeletik swenta ya anaʼ te bin ya snop sok bin yaʼiyel ya yaʼiy sba ta swenta te bin yak ta snopele (Pr 20:5; be-S paj. 259).

  • Akʼbeya yil te bin ya yal te recuadro swenta ya yil te bayal ya xtuun te bintik smelelil ya xtojobteswan ta Biblia te kʼalal ya spas ta skuxlejale.

  • Koltaya te yakuk xkʼot ta yoʼtan te bin lek ya skʼan ya spas ta swenta te bin ya x-albot yuʼun te yoʼtane, jaʼukmeto jaʼme ya sta ta nopel stukel te bin ya skʼan ya spase (Gál 6:5).

  • Ilawil ta lek teme ya skʼanxan koltayel yuʼun ya spas ta skuxlejal te bintik smelelil ya xtojobteswan ta Biblia. Sok yutsil awoʼtan, tijbeya yoʼtan yuʼun ya sjel te skuxlejal ta swenta te kʼux ta yoʼtan te Jehová (Pr 27:11; Jn 14:31).