Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Diciembre yuʼun 00ok

 KʼULEJALIL TE AY TA BIBLIA | ISAÍAS 11-16

«Ya xnaʼbot sba te Jehová ta spahmal qʼuinal»

«Ya xnaʼbot sba te Jehová ta spahmal qʼuinal»

11:6-9

¿Bin-utʼil kʼot ta pasel ta stojol israeletik te albilkʼop ini?

  • Te kʼalal lokʼik bael ta chukel ta Babilonia te israeletike sok te kʼalal ayikix ta slumalik-a maʼyuk utsʼinotik yuʼun jtiʼawal chambalametik o chopol ants winiketik te jich stalelik bitʼil jtiʼawal chambalam (Esd 8:21, 22).

¿Bin-utʼil ya xkʼot ta pasel te albilkʼop ta ora ini?

  • Te snaʼbeyel sba te Jehovae, juʼem yuʼun te bayal ta tul ants winiketik jelonem stalelik yuʼun. Ay ants winiketik te kʼayemik ta majtamba ta sjajchibal, ta ora ini lamalix yoʼtanik. Sok jaʼ ta swenta te ay lamalkʼinal sok jun-nax ayik ta swolol Balumilal.

¿Bin-utʼil ya xkʼot ta pasel ta pajel chaʼbej te albilkʼop ini?

  • Ya xkʼatpʼuj ta nichimal kʼinal ta swolol te Balumilal te banti ya x-ayin lamalkʼinal sok maʼyuk bin ya xiw koʼtantik yuʼun tey-a jich bitʼil te la skʼan yoʼtan Dios ta sjajchibale. Maba ya yutsʼinotikix-a te chambalametik sok te ants winiketike.

Jelon skuxlejal te Pablo kʼalal la snaʼbey sba te Diose

  • Te kʼalal fariseo-ae, la yakʼ ta ilel chopol stalel jich bitʼil te jtiʼawal chambalametike (1Ti 1:13).

  • Te snaʼbeyel sba ta lek te Diose jeltaybot te stalele (Col 3:8-10).