Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Agosto yuʼun 2016

 KAKʼTIK TA ILEL TE JCHʼUUNEJTIK DIOSE

Kakʼtik ta nopel te smelelil kʼope

Kakʼtik ta nopel te smelelil kʼope

Ta septiembre, te Sjunal kaʼteltik yame yichʼ tal yachʼil te bin-utʼil ya jcholtik te skʼop Diose, te ya sbiilin: «Kakʼtik ta nopel te smelelil kʼope». Te bin swentaile jaʼ te ya kakʼbeytik yil ants winiketik te bin smelelil ya yakʼ ta nopel te Biblia ta swenta jun jojkʼoyel sok jun texto yuʼun Biblia.

Teme ya smulan yaʼiyel skʼop Dios te ants winik kakʼbeytik jilel jlejchuk jun o kakʼbeytik yil jun video te ay ta jw.org/tzh yuʼun ya jchaʼulaʼtaytik. Sujtokotik ta junchebnax kʼajkʼal yuʼun ya jtsʼaktikxan te kaʼiyejtike. Te yachʼil bin-utʼil ya jcholtik te skʼop Dios ya yichʼ lokʼesel ta libro Snopel te Bibliae. Te recuadro yuʼun te slajibal jujun kapitulo ya yichʼ tal textoetik yuʼun Biblia te ya skoltayotik ta schaʼulaʼtayel te ants winiketik o ta sjachel nojptesel te banti jaʼnax ya jtuuntestik te Bibliae.

Jun-nax te be ya x-ikʼawan bael ta kuxlejalile (Mt 7:13, 14). Jich bitʼil te ay bintik schʼuunejikix sok yantik stsʼumbal te ants winiketike ya skʼan te yakuk x-ikʼbot yoʼtan te bitʼil ya jcholbeytik te bin smelelil ya yakʼ ta nopel te Bibliae (1Ti 2:4). Kʼalal ya jnoptikxan scholel ta lek te jujun tema yuʼun te Bibliae sok kʼalal ya jnaʼtik stuuntesel ta lek «te smelelil cʼope», yame yakʼbotikxan stseʼelil koʼtantik sok bayal bintik lek ya xlokʼ-a te kʼalal ya kakʼbeytik snopik te smelelil kʼope (2Ti 2:15).