Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Agosto yuʼun 00ok

 KAKʼTIK TA ILEL TE JCHʼUUNEJTIK DIOSE

Lekubtesa te bin-utʼil ya achol te skʼop Diose: Koltaya te machʼatik ya awakʼbey snop te Biblia yuʼun ya yakʼ sbaik ta stojol Jehová sok ya yichʼik jaʼ

Lekubtesa te bin-utʼil ya achol te skʼop Diose: Koltaya te machʼatik ya awakʼbey snop te Biblia yuʼun ya yakʼ sbaik ta stojol Jehová sok ya yichʼik jaʼ

TE BIN YUʼUN TULAN SKʼOPLALE. Swenta lek ilbilik yuʼun Jehová te machʼatik yakik ta snopel te Bibliae ya skʼan ya yakʼ sbaik ta stojol sok ya yichʼik jaʼ (1Pe 3:21). Te machʼatik ya skʼotesik ta pasel te bin la yalbeyik ta jamal te Jehovae, yame yichʼ kanantayel te schʼuunel yoʼtanike (Sl 91:1, 2). Te bitʼil jchʼuunjelotike, kakʼoj jbatik ta stojol Jehová, maba ta stojol ants winik, aʼtelil o jun organisasion. Te machʼatik yakik ta snopel te Bibliae yame skʼan kʼuxuk ta yoʼtanik te Jehová sok ya yichʼik ta mukʼ (Ro 14:7, 8).

TE BIN-UTʼIL TA PASEL:

  • Kʼalal ya awakʼ nojptesel yuʼun Biblia, tʼunbeyaik skʼoplal te bin ya yakʼ ta nopel ta swenta Dios te tema yakex ta snopele. Albeya te ya skʼan ya skʼopon te Biblia ta jujun kʼajkʼal sok te ya skʼopon Dios spisil-ora (1Te 5:17; Snt 4:8).

  • Tijbeya yoʼtan yuʼun ya yakʼ sba ta stojol Jehová sok te ya yichʼ jaʼe. Jaʼnix jich koltaya te yakuk snop x-abatinxan ta stojol te Jehovae, jich bitʼil spasel komentar ta tsoblejetik o ta scholbeyel skʼop Dios te spatxujk sok te sjoʼtak ta aʼtele. Julukme ta awoʼtan te maʼyuk machʼa ya suj te Jehová yuʼun ya x-abatin ta stojole, jich yuʼun teme ay machʼa ya yakʼ sba ta stojole, stukel ya skʼan ya xlokʼ tal ta yoʼtan (Dt 30:19, 20).

  • Tijbeya yoʼtan yuʼun ya sjel skuxlejal te machʼa ya awakʼbey snop te Biblia swenta lek ilbilik yuʼun-a te Jehová sok te ya spas te bintik ya yichʼ kʼanel ta swenta te ichʼjaʼe (Pr 27:11). Ta skaj te ay taleliletik sok kostumbreetik te wokol ya yaʼiy yijkʼitayele, koltayaxan yuʼun ya yijkʼitay te spokol talel swenta jaʼ ya slap te lekil talelile (Ef 4:22-24). Akʼbeya yil cheʼoxebuk articulo yuʼun te La Atalaya te banti ya yal: «La Biblia les cambió la vida».

  • Albeya yaʼiy te kʼax tseʼel awoʼtan yuʼun te bitʼil awakʼoj aba ta abatinel ta stojol te Jehovae (Is 48:17, 18).