Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Abril yuʼun 2017

 KAKʼTIK TA ILEL TE JCHʼUUNEJTIK DIOSE

Sok yutsil koʼtantik akʼa jpatbeytik yoʼtan te machʼatik ya xkʼotike

Sok yutsil koʼtantik akʼa jpatbeytik yoʼtan te machʼatik ya xkʼotike

¿Machʼatik te jich ya skʼan ya jpatbeytik yoʼtane? Spisil te machʼatik ya xkʼotik ta tsoblejetik, chikan teme sbabial buelta kʼotik o teme ayix kʼajkʼal ya jnaʼbeytikix sbae (Ro 15:7; Heb 13:2). Jaʼniwan jtul hermano te talem ta yan nasion o kermanotik te yijkʼitayoj scholel skʼop Dios te ayix bayal jaʼbil ma xkʼot ta tsobleje. ¿Binwan yaʼiyel ya awaʼiy aba te jaʼukat-abi? ¿Mabal yakuk awal wokol yuʼun te leknax ya awichʼ ilele? (Mt 7:12). Kʼalal mato xjajch-a te tsoblej sok te kʼalal lajix-ae, kʼax lek te ya jpastik tulan ta spatbeyel yoʼtan te machʼatik ya xkʼotik ta sNail Tsobleje. Jaʼ-abi ya yakʼ te bujtsʼanax kʼinal ya kaʼiytik sok te tseʼelnax koʼtantik (Mt 5:16). Maniwan xjuʼ xkʼopojotik sok spisil te machʼatik ya xkʼotike, jaʼukmeto teme jujuntul ya jpastik tulane leknax ya kaʼiy jbatik ta jpisiltik. *

Te lekil oʼtanil ya skʼan ya kakʼtik ta ilel ta spisil-ora, ma jaʼuknax ta yorail te Snaʼojibal slajel te Jesuse. Kʼalal ya yilik te smelelil kʼuxul oʼtanil te machʼatik sbabial buelta ya xkʼotik ta tsoblej, yaniwan xtijbot yoʼtanik ta yalbeyel yutsilal te Dios sok ta yichʼel ta mukʼ (Jn 13:35).

^ parr. 3 Te bintik smelelil ya xtojobteswan ta Biblia ya yakʼ jnaʼtik te ma skʼan ya jpatbeytik yoʼtan te machʼatik yichʼojik lokʼesel ta kongregasion o te machʼatik stukel xatoj sbaik lokʼele (1Co 5:11; 2Jn 10).