Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS ABRIL 2016

 JNOPTIK TA LEK PʼIJUBTESWANEJ

Kampaña yuʼun ikʼel ta swenta mukʼul tsoblej yuʼun oxeb kʼajkʼal

Kampaña yuʼun ikʼel ta swenta mukʼul tsoblej yuʼun oxeb kʼajkʼal

Ta jujun jaʼbil ya yakʼ sbujtsʼ koʼtantik ta swenta te bayal weʼelil yuʼun skʼop Dios te ya kichʼtik ta mukʼul tsoblej yuʼun oxeb kʼajkʼal. Jich bitʼil te ya jkʼantik te yakuk smulanbeyik yutsilal te skʼuxul yoʼtan Jehová te ants winiketike, yame jpastik tulan ta yikʼel te bantito kʼalal ya xjuʼ kuʼuntik spasele (Sl 34:8). Te jtsojb ancianoetik ta jujun kongregasione jaʼme ya yilik te bin-utʼil lekxan ta pukel te sjunal ikʼele.

TE BINTIK YA SKʼAN ICHʼEL TA WENTA

  • ¿Bin-ora ya yichʼ pasel te mukʼul tsoblej kuʼune?

  • ¿Bin-ora ya xjajch te kampaña ta jkongregasione?

  • ¿Bintik kʼajkʼalil ya yichʼ pasel te tsoblej yuʼun scholel skʼop Dios?

  • ¿Bin-utʼil ya jmukʼubtesxan te kaʼtel ta stojol Dios ta kampaña ini?

  • ¿Machʼatik-a te ya jkʼan ya kikʼtiklane?

TE BIN-UTʼIL TA PUKEL TE SJUNAL IKʼELE

Te kʼalal la apatbeyix yoʼtan-a te ants winike ya xjuʼ jich ya awal ini:

«Ayotik ta jun kampaña ta swolol Balumilal ta yikʼel te ants winiketik ta swenta jun mukʼul tsoblej te mukʼ skʼoplale. Te sjunal ikʼel ini tey ya yalbotik-a te fecha, te jayeb ora sok te banti ya yichʼ pasele. Ya jkʼankotik te yakuk ajokinonkotike.»

TEME LA SCHʼAM YAʼIY TE ANTS WINIKE

Manchukme ya jpastik tulan ta yikʼel spisil te ants winiketik ta mukʼul tsobleje, yame skʼan ya kulaʼtaytik te machʼatik la schʼam yaʼiy te jkʼoptike.

Te slajibal jujun semana ya xjuʼ ya japtik te revista sok te sjunal ikʼele.