Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS ABRIL 2016

 KAKʼTIK TA ILEL TE JCHʼUUNEJTIK DIOSE

Jultesel-oʼtanil ta swenta te mukʼul tsoblej yuʼun oxeb kʼajkʼal

Jultesel-oʼtanil ta swenta te mukʼul tsoblej yuʼun oxeb kʼajkʼal

Jichnix bitʼil te yantik mukʼul tsoblej yichʼoj pasele, ya jkʼantik te yakuk xchiknaj ta ilel te skʼuxul koʼtantik ta stojol Dios sok te jpatxujktike (Mt 22:37-39). Te sbabial sjun Corintios 13:4-8 ya yal te ay yaʼtelule: «Te cʼuxul-oʼtanil spisil ya xcuhch yuʼun, bayel yutsil yoʼtan [...]; ma xjelaw ta stojol yan, mayuc stʼutʼil, ma xʼilin, [...]. Mayuc bin ora ya xlaj scʼoblal te cʼuxul-oʼtanil». Te kʼalal yakat ta yilel-a te video Jultesel-oʼtanil ta swenta te mukʼul tsoblej yuʼun oxeb kʼajkʼal, nopa awaʼiy te bintik-utʼil ya xjuʼ ya awakʼ ta ilel skʼuxul oʼtanil ta stojol te yantik ta yorail te tsobleje.

¿BIN-UTʼIL YA KAKʼTIK TA ILEL KʼUXUL OʼTANIL...

  • ... te kʼalal ya jmaktik lugare?

  • ... te kʼalal nopol ya xjajchix-a te musikae?

  • ... te banti ya jkux koʼtantik ta ajkʼabale?

  • ... te kʼalal ya jap jbatik ta koltaywaneje?