Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA No 1 2017

 TUMU PARAU MATAMUA | E FAUFAAHIA OE IA TAIO I TE BIBILIA

No te aha e taio ai i te Bibilia?

No te aha e taio ai i te Bibilia?

“I mana‘o na vau, e ere te mea ohie ia taa i te Bibilia.”—Jovy

“No ’u, mea haumani te reira.”—Queennie

“I to ’u hi‘oraa e buka meumeu te Bibilia, ua ore roa to ’u hinaaro e taio i te reira.”—Ezekiel

Ua hinaaro anei oe e taio i te Bibilia e i muri iho, ua otohe no te mea ua mana‘o oe mai te feia i faahitihia i nia ’tu? E rave rahi o tei na reira atoa. Mai te peu e faaitehia ’tu e nehenehe te Bibilia e tauturu ia oe ia fana‘o i te oraraa oaoa e te mauruuru mau, e te vai ra te tahi mau ravea ia anaanatae oe i te taioraa Bibilia. E tamata anei oe i te na reira?

A hi‘o na i ta vetahi i parau, ua oaoa mau hoi ratou i te haamata i te taio i te Bibilia.

Ua parau Ezekiel, 20 matahiti: “Na mua ’‘e, mai te hoê taata faahoro pereoo vau o tei ore i ite e haere o ’na ihea. I to ’u râ taioraa i te Bibilia, ua tauturu mai ta ’na mau aratairaa ia fana‘o i te hoê oraraa oaoa. Ua ite au i te mau a‘oraa tano i roto o ta ’u e haapao ra i te mau mahana atoa.”

Te faataa ra Frieda, 20 atoa matahiti: “E taata vau o te riri hanoa na mua ’‘e. Maoti râ ta ’u taioraa Bibilia, ua haapii au i te haavî i to ’u huru. Ua riro mai au ei taata ohie a‘e ia haafatata, mea rahi to ’u hoa i teie nei.”

Teie ta Eunice, 50 matahiti i parau no nia i te Bibilia: “Ua tauturu mai te reira ia riro ei taata maitai a‘e, ia faarue i ta ’u mau peu tano ore.”

Mai ta teie feia taio Bibilia e e mirioni atu i ite, ua tauturu te taioraa Bibilia ia ratou ia oaoa ’tu â. (Isaia 48:17, 18) E ere râ tera ana‘e, e faaite atoa te reira e nafea ia rave i te faaotiraa maitai, ia maiti i te hoa papu, ia ore ia haapeapea roa ino e te mea faufaa roa ’tu â, ia ite i te parau mau no nia i te Atua. No ǒ mai te mau a‘oraa Bibilia i te Atua, eita roa ïa oe e fifihia ia haapao i te reira! Mea maitai noa hoi ta te Atua mau a‘oraa!

Te mea faufaa, o te haamataraa ïa. Eaha te tahi mau mana‘o o te tauturu atu ia haamata e ia anaanatae i ta oe taioraa Bibilia?