Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA No 1 2017

 TUMU PARAU MATAMUA | E FAUFAAHIA OE IA TAIO I TE BIBILIA

E nafea to ’u oraraa e maitai ai?

E nafea to ’u oraraa e maitai ai?

E buka taa ê roa te Bibilia. No ǒ mai i te Atua poiete te mau a‘oraa i roto. (Timoteo 2, 3:16) E nehenehe ta ’na poroi e taui i to tatou oraraa. No reira te Bibilia e nâ o ai: “E mea ora hoi te parau a te Atua, e te puai rahi.” (Hebera 4:12) E mana to te Bibilia no te haamaitai i to tatou oraraa, e horoa mai hoi i te aratairaa e faufaahia ’i tatou i teie nei â i te mau mahana atoa e e tauturu mai atoa ia ite o vai te Atua e eaha ta ’na e fafau mai ra.—Timoteo 1, 4:8; Iakobo 4:8.

E maitaihia to oe oraraa i teie nei â. E tauturu mai te Bibilia i roto i to tatou oraraa taatoa. E horoa  atoa mai i te mau a‘oraa maitai i roto i teie mau tuhaa:

  • Te huru e tia ia faaite i nia ia vetahi ê.—Ephesia 4:31, 32; 5:22, 25, 28, 33.

  • Te mau huru au ore e tia ia haapae e eaha te rave ia maitai to tatou ea.—Salamo 37:8; Maseli 17:22.

  • Te mau peu iino.—Korinetia 1, 6:9, 10.

  • Te ohipa.—Maseli 10:4; 28:19; Ephesia 4:28. *

Ua ite te tahi na hoa faaipoipo no Asia i te maitai o te mau a‘oraa paari a te Bibilia. Mai te feia faaipoipo apî atoa, e ere i te mea ohie ia faaau i te huru o te tahi e te tahi e ia faatupu i te aparauraa. Ua haamata râ raua i te haapao i ta raua i taio i roto i te Bibilia. Eaha tei itehia? Te na ô ra te tane o Vicent te i‘oa: “Ua tauturu mai ta ’u i taio i roto i te Bibilia ia faaafaro i to mâua mau fifi ma te here. I to mâua vaiihoraa i te Bibilia ia aratai i to mâua oraraa, ua oaoa mâua toopiti.” Te tu ra te mana‘o o ta ’na vahine o Annalou te i‘oa: “Ua tauturu mai te aamu o te mau taata i roto i te Bibilia. Te oaoa nei au i teie nei e te mauruuru atoa ra i to mâua faaipoiporaa e ta mâua mau fa.”

E ite oe o vai te Atua. Taa ê atu i te mau maitai ta ’na i ite i roto i to ’na faaipoiporaa, ua na ô atoa Vicent: “Ma te taio i te Bibilia, ua piri atu â vau ia Iehova ia faaauhia i na mua ’‘e.” Mea faufaa roa ta Vicent e parau ra, e nehenehe te Bibilia e faaite atu o vai te Atua. Eita ïa oe e maitai-noa-hia i ta ’na mau a‘oraa, e tauturu-atoa-hia râ ia haafatata i te Atua! Te faataa atoa ra te Bibilia e oraraa maitai a‘e te tiai mai ra ia tatou, “te ora mure ore.” (Timoteo 1, 6:19) Tera te mea eita e itehia i roto i te tahi atu mau buka!

Ia haamata oe i te taio i te Bibilia e ia tamau i te na reira, e ite atoa oe i na maitai e piti i faahitihia. E maitaihia to oe oraraa e e ite oe o vai te Atua. I roto râ i ta oe taioraa, e rave rahi paha uiraa te hiti mai i roto i to feruriraa. A haamana‘o ïa i tera taime i te hi‘oraa maitai o te tahi taata rahi no Etiopia o tei ora a 2 000 matahiti i teie nei. Mea rahi ta ’na uiraa no nia i te Bibilia. I te aniraahia ia ’na te taa ra anei oia i ta ’na e taio ra, teie ta ’na i pahono: “Eaha vau e ite ai, ahiri e taata te faaite mai ia ’u ra?” * Farii ihora oia i te tauturu a Philipa o tei riro ê na ei pîpî na Iesu e ei taata aravihi i te haapii ia vetahi ê no nia i te Bibilia. (Ohipa 8:30, 31, 34) Oia atoa oe, ia hinaaro oe ia ite atu â no nia i te Bibilia, te faaitoito atu nei matou ia faaî i te hoê aniraa i nia i te reni Internet jw.org. Aore ra, e ite oe i roto i teie vea e nafea ia papai mai. E tia atoa ia oe ia farerei i te mau Ite no Iehova o to oe oire aore ra ia haere i te tahi o ta ratou mau piha putuputuraa piri i ǒ oe. No te aha e ore ai e tii atu i te hoê Bibilia i teie mahana e e haapao i ta ’na mau aratairaa ia oaoa ’tu â oe?

Mai te peu te uiui ra oe e nehenehe anei e tiaturi i te Bibilia, a hi‘o i te video poto E nafea e papu ai ia tatou e e parau mau te Bibilia? A haere i nia jw.org. A pata i nia PIAHIA>VIDEO

^ par. 8 No te tahi atu mau hi‘oraa o te a‘oraa paari a te Bibilia, a hi‘o i nia i te reni Internet jw.org i te pene 2 o te buka Eaha ta te Bibilia e haapii mau ra? i nia i te upoo parau Te hoê buka paari e au ia faaohipa. A pata i nia PIAHIA>BUKA E BUKA RAIRAI.

^ par. 11 A hi‘o atoa i te tumu parau “E hape nainai anei?” i roto i teie vea.

No te ite atu â

Eaha te maitai o te mau ture a te Atua?

Ua faataa Iesu no te aha e hinaarohia ’i te aratairaa e eaha na faaueraa Bibilia faufaa roa.

E i‘oa anei to te Atua?

Mea rahi to te Atua tiaraa, mai te tiaraa Manahope, Atua poiete, e Fatu. Ua faahitihia râ te i‘oa o te Atua hau atu i te 7 000 taime i roto i te Bibilia.