Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA No 1 2017

 TUMU PARAU MATAMUA | E FAUFAAHIA OE IA TAIO I TE BIBILIA

E nafea ia haamata?

E nafea ia haamata?

Eaha te tahi faanahoraa o te tauturu ia oe ia anaanatae e ia faufaa-atoa-hia i te taioraa Bibilia? A hi‘o na e pae mana‘o ta e rave rahi i tamata roa.

E taio i te vahi tano. A haere i te vahi aita e maniania. Eiaha te tahi mea ia faahuru ê i to feruriraa, e haapao noa ïa oe i ta oe e taio ra. Mea maitai a‘e ia haere i te hoê vahi maramarama maitai e te haumârû.

Te feruriraa maitai. I te mea no ǒ mai te Bibilia i to tatou Metua i te ra‘i, e faufaahia oe i te reira ia riro oe mai te tamarii ra te huru o tei ineine i te haapii mai i to ’na na metua î i te here. A tuu i te mana‘o feaa aore ra oti noa i te hiti ia haapii atu te Atua ia oe.—Salamo 25:4.

A pure na mua. O te mau mana‘o o te Atua to roto i te Bibilia, e ere ïa i te mea maere e titauhia ia ani i ta ’na tauturu no te taa i te reira. Ua haapapu te Atua e horoa oia i “te Varua Maitai i te feia i ani atu ia ’na.” (Luka 11:13) Na te varua mo‘a e tauturu atu ia taa i te mana‘o o te Atua. Maoti te reira e taa roa ’i ia oe “te mau mea hohonu atoa a te Atua.”—Korinetia 1, 2:10.

A taio no te taa. Eita e navai noa ia taio, e tia atoa ia feruri i ta oe e taio ra. A uiui, ‘Eaha te mau huru maitatai ta ’u i ite i nia i te taata no ’na teie aamu? E nafea vau ia faaite atoa i te reira i roto i to ’u oraraa?’

A feruri i te tahi mau fa. Ia faufaahia oe i te taioraa Bibilia, a feruri e haapii atu te reira i te tahi mea o te haamaitai atu â i to oe oraraa. Teie paha te tahi fa ta oe e mana‘o ra, ‘E hinaaro vau e haapii atu â no nia i te Atua.’ Aore ra, ‘E tauturuhia vau ia riro ei taata maitai, ei tane e aore ra ei vahine maitai a‘e.’ I muri iho, ia naea tera mau fa ia oe, a maiti i te taio i te tahi mau tuhaa taa maitai o te Bibilia. *

E tauturu teie na e pae mana‘o ia haamata i te taio i te Bibilia. Eaha râ te rave ia anaanatae atu â oe i te reira? E horoahia te tahi mau ravea i roto i te tuhaa i mua ’tu.

^ par. 8 Ia ore oe ia ite teihea tera mau tuhaa i roto i te Bibilia, e oaoa roa te mau Ite no Iehova i te faaite atu ia oe.