Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  No 1 2017

 TUMU PARAU MATAMUA | E FAUFAAHIA OE IA TAIO I TE BIBILIA

Ia anaanatae atu â oe i te taio i te Bibilia

Ia anaanatae atu â oe i te taio i te Bibilia

Ia ore oe ia haumani i te taio i te Bibilia, mea faufaa ia maiti i te faanahoraa e tano ia oe. E hi‘o ana‘e i ta oe e nehenehe e rave ia anaanatae e ia oaoa ’tu â oe i te taio i te Bibilia.

A maiti i te tahi huriraa Bibilia papu e te ohie ia taa. Mea rahi ana‘e te mau parau e ere i te mea ohie ia taa aore ra eita e taa-faahou-hia i roto i te tahi buka, eita oe e anaanatae i te taio i te reira. A imi ïa i te hoê huriraa Bibilia mea ohie ia taa, mea tano atoa râ e te papu ia putapû to aau. *

A faaohipa i te mau ravea apî. I teie tau, aita te Bibilia i nenei-noa-hia, e tia atoa hoi e taio i te reira i nia i te matini roro uira. E nehenehe te tahi mau huriraa Bibilia e taiohia i te taime tei nia oe i te Internet, area te tahi atu, e tia roa ia rave mai e ia tuu i te reira i roto i te matini roro uira aore ra te vini. Maoti te tahi ravea roro uira, e nehenehe atoa e imi i te mau irava o te faahiti ra i te hoê â mana‘o aore ra e faaau i te huriraa o te irava i roto i tera e tera Bibilia. Ua haruharu-ana‘e-hia te taioraa Bibilia i roto i to ratou reo, e faaroo vetahi i te reira a tere ai na nia i te pereoo, ia pu‘a ratou i te ahu aore ra i te tahi atu taime e tano ia na reira. No te aha e ore ai e tamata i te ravea apî e tano i to oe tupuraa?

 A faaohipa i te mau ravea o te tauturu ia haapii i te Bibilia. E nehenehe te taioraa Bibilia e riro ei mea anaanatae atu â maoti te tahi mau ravea tauturu. Mai te mau hoho‘a fenua o te mau vahi faahitihia i roto i te Bibilia. E taa ïa ia oe teihea te vahi i tupu ai te aamu ta oe e taio ra, mea ohie a‘e no te faaoraora i te reira i roto i to oe feruriraa. Te vai atoa ra te mau tumu parau mai te itehia i roto i teie vea aore ra i nia i te reni Internet jw.org. E nehenehe e faaohipa i te reira no te taa maitai atu â e rave rahi irava Bibilia.

A maiti i te faanahoraa e tano ia oe. Mai te peu mea haumani no oe ia taio mai te haamataraa e tae atu i te hopea, no te aha e ore ai e maiti i te taio na mua i te buka ta oe e au roa ’‘e? Aore ra, a haamata na nia i te mau tuhaa o te faatia i te aamu o te mau taata matau-roa-hia o te Bibilia. Te vai ra te tahi hi‘oraa i roto i te tumu parau tarenihia “ A paheru i roto i te Bibilia no te ite atu â no nia i teie mau taata.” Aita ana‘e, a feruri i te hoê mana‘o tumu e a taio i te mau buka atoa o te haafaufaa ra i te reira. E nehenehe atoa e vaiiho i te tupuraa o te mau aamu i roto i te tau ia aratai i ta oe taioraa. No te aha e ore ai e tamata i te hoê o teie mau faanahoraa?

^ par. 4 E rave rahi te mana‘o ra ua riro te Traduction du monde nouveau ei huriraa Bibilia tano, papu e te ohie ia taio. Na te mau Ite no Iehova e pia nei i te reira na roto hau atu 130 reo. E nehenehe e rave mai i te reira i nia i te reni Internet jw.org aore ra maoti te faanahoraa roro uira JW Library. Aita ana‘e, e nehenehe te tahi Ite no Iehova e afai atu i te mea neneihia.

No te ite atu â

UIRAA A TE TAATA

Mea tano anei te New World Translation?

No te aha mea taa ê ai te New World Translation i te tahi atu mau huriraa e rave rahi?