Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TETEPA 2015

 TUMU PARAU MATAMUA | IA POHE TE TAATA: E ORA FAAHOU ANEI?

Te tiaturiraa no tei pohe: E nafea ia papu e tupu iho â?

Te tiaturiraa no tei pohe: E nafea ia papu e tupu iho â?

E tiaturi anei oe e ora faahou tei pohe? Aita roa te aposetolo Paulo i feaa noa ’‘e. Ma te faaurua, ua papai oia: “Tei teie nei ao ana‘e ra ta tatou e tiai i te Mesia nei, e ati rahi to tatou i to te taata atoa. Ua tia faahou mau ra te Mesia i te poheraa ra, e ua riro ei matamua no te feia i mairi te taoto ra.” (Korinetia 1, 15:19, 20) No Paulo, mea papu te tia-faahou-raa no te mea ua faaho‘ihia mai Iesu i te ora. * (Ohipa 17:31) No reira Paulo i pii ai ia Iesu te “matamua,” o ’na hoi tei faatiahia na mua no te ora e a muri noa ’tu. Mai te peu o Iesu te matamua, te vai ra ’tu â ïa i muri a‘e ia ’na.

Ua parau Ioba i te Atua: ‘E hinaaro mau â oe i te ohipa a to rima i rave ra.’—Ioba 14:14, 15.

Te vai ra te tahi atu tumu no te farii e tiaturiraa papu te tia-faahou-raa. E Atua parau mau o Iehova. Eita ‘e tia ia ’na ia haavare.’ (Tito 1:2) Aita o Iehova i haavare a‘enei e eita roa oia e na reira. E fafau anei oia i te tia-faahou-raa, e haapapu atoa e nehenehe ta ’na e faatupu i te reira e te pae hopea, eita e rave mai ta ’na i parau? Eita roa!

No te aha o Iehova i mana‘o ai i te tia-faahou-raa no a muri a‘e? No to ’na here. Ua ani Ioba: “Ia pohe te taata nei, e ora faahou anei? . . . Na oe e tiaoro mai, e na ’u e parau atu ia oe; e oto [aore ra hinaaro mau] â oe i te ohipa a to rima i rave ra.” (Ioba 14:14, 15) Ua papu ia Ioba e hinaaro rahi to to ’na Metua î i te here i te ra‘i i te faaho‘i mai ia ’na i te ora. Ua taui anei te Atua? Aita. (Malaki 3:6) Te tiai ru noa ra te Atua ia faatiahia mai tei pohe no te ora ma te oaoa e te ea maitai roa. Hoê â hinaaro to ’na e to te hoê metua here o te oto ia pohe ta ’na tamarii. Te taa-ê-raa râ, e mana  to te Atua i te faatupu i ta ’na e hinaaro ra.—Salamo 135:6.

E ati peapea mau te pohe, e ravea râ ta te Atua

Ua horoa o Iehova i ta ’na Tamaiti i te mana no te faaoaoa i tei oto i te poheraa te feia ta ratou i here. Eaha te huru o Iesu no nia i te tia-faahou-raa? Na mua ’‘e a faaho‘i mai ai ia Lazaro i te ora, ua ite Iesu i te ahoaho o te mau tuahine o Lazaro e to to ’na mau hoa e ua “oto ihora” o ’na. (Ioane 11:35) I te tahi atu taime, ua farerei Iesu i te vahine ivi no Naina i te poheraa ta ’na tamaiti otahi. ‘Aroha ’tura Iesu ia ’na, e ua parau atura, Eiaha e oto.’ I muri iho, ua faatia i ta ’na tamaiti mai te pohe mai. (Luka 7:13) Ua putapû mau te aau o Iesu a mauiui e a pohe ai te taata. Auê o ’na i te oaoa i te faaore i te mauiui na te ao taatoa nei!

Ua farerei a‘ena anei oe tera ati? No oe, aita paha e ravea i mua i te pohe. E faaorehia râ tera fifi ia faatupu te Atua i te tia-faahou-raa maoti ta ’na Tamaiti. A haamana‘o te hinaaro mau ra te Atua ia tupu te tia-faahou-raa. Te hinaaro ra oia ia tauahi faahou oe i te feia ta oe e here ra. A feruri na ia outou ia faanaho eaha te rave e a muri noa ’tu. Eita faahou outou e faataa-ê-hia!

Te haamana‘o ra Lionel tei faahitihia ’tu na: “Ua haapii au no nia i te tia-faahou-raa. Aita vau i farii oioi e aita atoa i tiaturi i te taata i faaite mai i te reira. Ua hi‘o vau i roto i te Bibilia e ua papu mea mau te reira! Te tiai ru nei au i te farerei faahou i to ’u papa ruau.”

E hinaaro anei oe e ite atu â? E oaoa roa te mau Ite no Iehova i te faaite atu i roto i ta oe Bibilia no te aha ratou i papu ai e tupu iho â te tia-faahou-raa. *

^ par. 3 No te ite i te mau haapapuraa ua tia faahou mai Iesu, a hi‘o i te buka Te Bibilia—Parau na te Atua aore ra na te taata api 78-86 piahia e te mau Ite no Iehova.

^ par. 9 A hi‘o na i te pene 7 o te buka Eaha ta te Bibilia e haapii mau ra? piahia e te mau Ite no Iehova.

No te ite atu â

Ua pohe anei to apiti?

Mea mauiui mau ia pohe te hoê hoa faaipoipo e eita te reira e ore oioi. Hi‘o nafea te tiaturiraa Bibilia i te tia-faahou-raa e tamahanahana ’i.

E tiaturiraa mau to to outou feia here i pohe

Ua pohe anei te hoê taata ta oe i here? E nehenehe anei e ite faahou ia ratou? Hi‘o i ta te Bibilia e haapii ra no nia i te tia-faahou-raa.