Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TETEPA 2015

Te pahono ra te Bibilia

Te pahono ra te Bibilia

E nehenehe anei e tiaturi i te tahi oraraa maitai a‘e i teie?

Mea poto roa anei te oraraa no oe?

I roto i to ’na oraraa, e hauti te taata, e rave i te ohipa, e faaipoipo, e fanau i te tamarii a ruau atu ai. E nehenehe anei e tiaturi i te tahi oraraa maitai a‘e i teie? (Ioba 14:1, 2) Te faaite ra te Bibilia ua hinaaro atoa te feia feruriraa paari mau i te pahonoraa o tera uiraa.—A taio i te Koheleta 2:11.

E tumu anei tatou i poietehia ’i? E ui ana‘e na mua, ‘Na vai i hamani i te taata?’ Ma te hi‘opoa i te hamaniraa faahiahia o to tatou roro e tino, ua faaoti e rave rahi te vai ra te hoê Atua poiete paari. (A taio i te Salamo 139:14.) E tumu ïa o ’na i hamani ai te taata! Ia ite tatou i te reira, e oaoa ’tu â tatou i te oraraa nei.

No te aha te taata i hamanihia ’i?

Ua haamaitai te Atua i na taata matamua e ua horoa ’tu i te hoê ohipa au maitai. Ta ’na opuaraa, ia î, ia riro te fenua ei paradaiso e ia ora raua e a muri noa ’tu.—A taio i te Genese 1:28, 31.

Ua orure hau te taata e aita te reira i tupu. Aita râ oia i faarue ia tatou e aita atoa to ’na hinaaro i taui. Te haapapu ra te Bibilia te haa ra te Atua no te faaora i te mau taata taiva ore e ia tupu ta ’na opuaraa no te fenua! Te hinaaro ra ïa te Atua ia fana‘o oe i te oraraa ta ’na i mana‘o no te taata! (A taio i te Salamo 37:29.) A haapii i te Bibilia no te ite eaha te rave ia faufaahia oe i te opuaraa a te Atua.

 

No te ite atu â

Eaha te opuaraa a te Atua no te fenua?

E tupu anei te opuaraa a te Atua no te paradaiso i te fenua? Mai te peu e e, afea?