Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TIURAI 2015

 TUMU PARAU MATAMUA | UA FATATA ANEI TE HOPEA?

E rave rahi te ora ’tu i te hopea: Oe atoa anei?

E rave rahi te ora ’tu i te hopea: Oe atoa anei?

Te faaara ra te Bibilia ia tatou e tupu te hoê haamouraa i te hopea: “E ati rahi hoi tei te reira tau, aitâ ïa ati mai te matamehai mai o teie nei ao, e tae roa a‘enei i teie nei mahana . . . Ahiri hoi e haamaorohia taua tau ra, aore roa ïa e taata e ora.” (Mataio 24:21, 22) Te fafau ra te Atua e rave rahi taata te ora ’tu, teie hoi ta ’na i parau: “Te mou nei hoi teie nei ao . . . , o tei haapao râ i to te Atua ra hinaaro, e tia ïa i te oraraa e a muri noa ’tu.”—Ioane 1, 2:17.

Eaha te rave ia hinaaro oe ia ora ’tu i te haamouraa o teie nei ao? E haaputu anei oe i te maa aore ra e faaineine anei i te tahi atu ohipa? Eita. Te faaitoito mai ra te Bibilia ia haapao i te mea faufaa a‘e. Te taio nei tatou: “E teie nei, e mou ana‘e taua mau mea atoa nei, mai te aha to outou huru e tia ’i i te haapao maitai e te paieti; i te tiairaa e te ruraa ’tu ia tae mai taua mahana o te Atua ra.” (Petero 2, 3:10-12) Ia au i te mau irava na mua ’tu, o te mau faatereraa o teie nei ao ino e te feia e patoi i te aratairaa a te Atua “taua mau mea atoa nei” e haamouhia. E ere na te maa i haaputuhia e faaora ia tatou i tera haamouraa.

No te ora ’tu, e tia ia tavini i te Atua ra o Iehova, ia faaite noa i te haerea maitai e ia rave i te mau mea ta ’na e au ra. (Zephania 2:3) Eiaha e pee i te rahiraa o te ore e farii te ora nei tatou i te hoê tau taa ê. E tia ia haamana‘o noa tatou ‘e tae mai taua mahana o te Atua ra.’ Maoti te Bibilia, e oaoa roa te mau Ite no Iehova i te faaite ia oe nafea ia ora ’tu i tera mahana e fatata maira.

No te ite atu â

Eaha te parau apî oaoa?

Haapii eaha te parau apî no ǒ mai i te Atua, no te aha mea faufaa roa ’i e ia aha ïa tatou.