Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TIURAI 2015

Te pahono ra te Bibilia

Te pahono ra te Bibilia

Eaha te Mahana Haavaraa?

No te aha e tau oaoa te Mahana Haavaraa?

I tahito ra, ua faaohipa te Atua i te mau tavana aore ra haava no te faatiamâ mai i to ’na nunaa i te ohipa tia ore. (Te mau tavana 2:18) Ia au i te Bibilia, e tau oaoa te Mahana Haavaraa. I reira hoi Iehova, te Haava o te fenua taatoa, e faaore roa ’i i te ohipa tia ore.—A taio i te Salamo 96:12, 13; Isaia 26:9.

Ua maiti te Atua ia Iesu no te faatupu i te parau-tia no te feia ora e no tei pohe. (Ohipa 10:42; 17:31) E rave rahi tei pohe ma te ore i ite o vai te Atua. I te roaraa o te Mahana Haavaraa, e faaho‘i mai Iesu tera mau taata i te ora ia nehenehe ratou ia ite o vai te Atua mau e ia here ia ’na.—A taio i te Ohipa 24:15.

No te aha tausani matahiti no te Mahana Haavaraa?

E faaho‘ihia mai tei pohe i te ora i te roaraa o na tausani matahiti. (Apokalupo 20:4, 12) E titauhia ia vaiiho i te taime no ratou no te haapii i ta te Atua mau faaueraa e no te auraro ia ’na. Eita te reira e tupu mai ta te rahiraa e mana‘o ra. Te faaite ra te Bibilia e haavahia ratou ia au i te mau ohipa ta ratou e rave i muri a‘e i te tia-faahou-raa.—A taio i te Roma 6:7.

Te faaite atoa ra te Bibilia e tupu taue noa te tahi mahana haavaraa na mua ’‘e ia haamata na tausani matahiti. E parauhia tera mahana, te hopea, mai tei hi‘opoahia i roto i te tumu parau matamua o teie vea. I tera taime, e haamou te Atua i te feia iino atoa. (Petero 2, 3:7) E tia ïa ia haapapu ua here mau tatou i te Atua.—A taio i te Petero 2, 3:9, 13.