Eaha to roto?

Mau faaho'iraa ê

Tapura tumu parau

Ite no Iehova

Tahiti

TE PARE TIAIRAA ME 2015

 TUMU PARAU MATAMUA | E HINAARO ANEI OE E HAAPII I TE BIBILIA?

Haapiiraa Bibilia no te taata atoa

Haapiiraa Bibilia no te taata atoa

Ua matau-maitai-hia te mau Ite no Iehova no ta ratou ohipa pororaa. Ua ite anei râ oe na te ao nei, e faatere atoa matou i te haapiiraa Bibilia?

I 2014, ua hau atu 8 000 000 Ite no Iehova i roto 240 fenua e faatere ra fatata 9 500 000 haapiiraa Bibilia i te ava‘e. * Ua rahi a‘e ïa te taata e haapii ra i te Bibilia i te huiraatira e vai ra i roto tau 140 fenua!

No te rave maite i tera ohipa, fatata hoê miria e te afa Bibilia, buka, vea e te tahi atu mau papai ta te mau Ite no Iehova e pia i te matahiti na roto 700 reo! Maoti tera tutavaraa taa ê, e nehenehe te taata e haapii i te Bibilia na roto i te reo ta ratou e hinaaro.

 PAHONORAA O TE MAU UIRAA A TE TAATA NO NIA I TA MATOU MAU HAAPIIRAA BIBILIA

Mai te aha te tereraa o te haapiiraa?

E hi‘opoa matou i te mau irava Bibilia ia au i te mau tumu parau e rave rau. A hi‘o na te mau pahonoraa o te mau uiraa e hiti mai: O vai te Atua? Mai te aha to ’na huru? E i‘oa anei to ’na? Teihea roa oia? E nehenehe anei e haafatata ’tu? Te fifi râ, te iteraa ïa eaha te mau irava Bibilia e pahono i tera mau uiraa.

No te tauturu i te taata ia ite i te pahonoraa, e pinepine matou i te faaohipa i te buka Eaha ta te Bibilia e haapii mau ra? * Ua faaineinehia tera papai ia taa ohie te taata eaha te mau haapiiraa tumu i roto i te Bibilia. No nia anei i te Atua, Iesu Mesia, te mauiui, te tia-faahou-raa, te pure e e rave rahi atu â tumu parau.

 Afea e ihea e faatupu ai i te haapiiraa?

E nehenehe e faatupu i te reira i te taime e te vahi ta oe e hinaaro.

Eaha te maoro o tera haapiiraa?

E rave rahi te faataa hoê hora i te hebedoma no te haapii i te Bibilia. E nehenehe râ e faatano ia au i to oe tupuraa. E haapii vetahi 10 aore ra 15 minuti noa i te hebedoma.

Ehia moni te haapiiraa?

Mea tamoni ore te haapiiraa e te mau papai e faaohipahia. Ua na ô hoi Iesu i ta ’na mau pǐpǐ: “I horoa-noa-hia mai ta outou, e horoa noa hoi outou.”—Mataio 10:8.

Afea e hope ai te haapiiraa?

Tei ia oe noa. E 19 pene to roto i te buka Eaha ta te Bibilia e haapii mau ra? E nehenehe oe e haapii hoê aore ra te taatoaraa o te mau pene ia au i to tupuraa.

E titauhia anei ia riro vau ei Ite no Iehova?

Aita. Ua ite matou e tiamâraa to te taata ia maiti i ta ’na mau tiaturiraa. E nehenehe râ te feia i fana‘o i te ite papu no nia i te Bibilia e rave i tera faaotiraa.

 Eaha te rave no te ite atu â?

Ma te haere i nia i te reni jw.org, e ite atu â oe eaha te mau tiaturiraa e ohipa a te mau Ite no Iehova.

E nafea ia fana‘o i te tahi haapiiraa Bibilia?

  • A faaî i ta oe parau aniraa i nia www.jw.org/ty.

  •  
  • No te niuniu i te mau Ite no Iehova, a hi‘o “Les Témoins de Jéhovah” i roto i te buka o te mau numera niuniu o to oe fenua.

^ par. 4 E nehenehe hoê taata aore ra te tahi pǔpǔ iti e fana‘o i te haapiiraa Bibilia.

^ par. 9 Piahia e te mau Ite no Iehova. Hau atu 230 mirioni tei neneihia na roto hau atu 260 reo.

No te ite atu â

OHIPA PIARAA

Tei neneihia na te ao atoa ia haapii te taata no nia i te Atua

Na te ao atoa, e 15 fare neneiraa ta te mau Ite no Iehova o te nenei ra i te mau papai niuhia i nia i te Bibilia na roto e 700 a‘e reo.