Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA MATI 2015

Te pahono ra te Bibilia

Te pahono ra te Bibilia

E tia anei ia haamau hoê ana‘e faatereraa no te ao taatoa?

Nafea hoê faatereraa no te ao taatoa ia tahoê i te feia no te mau nunaa atoa? Isaia 32:1, 17; 54:13

A feruri na i te maitai ta te huitaata e fana‘o ahani hoê ana‘e faatereraa no te ao taatoa. I teie mahana, e rave rahi te mauiui nei no te mea e taata veve ratou area te tahi atu, e feia tao‘a rahi ïa. E nehenehe te hoê faatereraa no te ao taatoa e tâu‘a ra i te mauiui o vetahi ê e ara ia haamâhahia te mau hinaaro o te taata atoa. I to oe mana‘o, e nehenehe anei te taata e haamau i te faatereraa mai tera?—A taio i te Ieremia 10:23.

I roto i te tuatapaparaa, te itehia ra aita te mau faatereraa rau i tia ia haapao i te huiraatira, te feia veve iho â râ. Mea haavî atoa vetahi faatereraa. (Koheleta 4:1; 8:9) Ua fafau râ te Atua Mana hope i te haamau i te hoê o te mono i te mau faatereraa atoa. E haapao mau te Arii o tera faatereraa i te taata.—A taio i te Isaia 11:4; Daniela 2:44.

Eaha ta te Basileia o te Atua e rave?

Ua maiti te Atua ra o Iehova i te Arii maitai roa ’‘e i te ao nei, ta ’na Tamaiti Iesu. (Luka 1:31-33) I te fenua nei, ua tauturu Iesu i te taata. Ei Arii, e tahoê oia i te mau nunaa atoa a faaore atu ai i te mauiui.—A taio i te Salamo 72:8, 12-14.

E farii anei te taata atoa ia Iesu ei Arii? Eita. Mea faaoromai râ o Iehova. (Petero 2, 3:9) Te vaiiho ra oia i te taime no te taata ia farii ia Iesu ei Arii. Fatata Iesu i te haamou i te feia iino i te fenua nei e te haamau i te hau e te hoê ao aore e haapeapearaa faahou.—A taio i te Mika 4:3, 4.

 

No te ite atu â

Eaha te Basileia o te Atua?

Mea rahi te taata tei ite i te Pure a te Fatu. Eaha te auraa o te parau: “Ia tae to oe ra hau”?