Eaha to roto?

Mau faaho'iraa ê

Tapura tumu parau

Ite no Iehova

Tahiti

TE PARE TIAIRAA NOVEMA 2014

Te pahono ra te Bibilia

Te pahono ra te Bibilia

No te aha e pure ai ia tae mai te Basileia o te Atua?

E hinaaro anei oe e ite atu â no nia i te Basileia o te Atua e ta te reira e faatupu?

E faatereraa i te ra‘i te Basileia o te Atua. Ua parau Iesu i ta ’na mau pǐpǐ ia pure ia tae mai te reira ia itehia te parau-tia e te hau i nia i te fenua nei. Eita hoê noa ’‘e faatereraa taata e nehenehe e faaore i te ino, te ohipa tia ore aore ra te ma‘i, area te Basileia o te Atua, oia ïa. Ua faaoti te Atua o ta ’na Tamaiti Iesu te riro ei Arii o te Basileia. Ua maiti atoa Iehova vetahi pǐpǐ a Iesu no te riro ei arii apiti o te faatere e o ’na i te Basileia.—A taio i te Luka 11:2; 22:28-30.

Fatata roa te Basileia o te Atua i te haamou i te feia atoa e patoi i te faatereraa a te Atua. A pure ai ia tae mai te Basileia o te Atua, te ani ra ïa tatou ia monohia te mau faatereraa taata atoa.—A taio i te Daniela 7:13, 14; Apokalupo 11:15, 18.

No te aha te taata e maitai ai i te Basileia o te Atua?

O Iesu te Arii maitai roa ’‘e no te mea e faatere aroha oia. Ei Tamaiti na te Atua, e mana atoa to ’na no te tauturu i te feia atoa e pure i te Atua.—A taio i te Salamo 72:8, 12-14.

E haamaitai te Basileia o te Atua i te feia atoa e pure ma te haavare ore ia tae mai te reira e te ora ia au i te hinaaro o te Atua. Eita roa oe e tatarahapa i te haapii i ta te Bibilia e parau ra no nia i te Basileia o te Atua.—A taio i te Luka 18:16, 17; Ioane 4:23.

 

No te ite atu â

EAHA TA TE BIBILIA E HAAPII MAU RA?

Eaha te Basileia o te Atua?

Mea rahi te taata tei ite i te Pure a te Fatu. Eaha te auraa o te parau: “Ia tae to oe ra hau”?