Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA NOVEMA 2014

 TUMU PARAU MATAMUA | TE BASILEIA O TE ATUA: E NAFEA OE E FAUFAAHIA ’I?

No te aha e haafaufaa ’i i te Basileia o te Atua?

No te aha e haafaufaa ’i i te Basileia o te Atua?

E mirioni taata na te ao nei e tiaturi i te Basileia o te Atua. Te pee nei ratou i te hi‘oraa o Iesu tei haapii i ta ’na mau pǐpǐ ia pure: ‘Ia tae mai to oe ra Basileia. Ia haapaohia to oe hinaaro i te fenua nei.’—Mataio 6:10.

Mea maere roa ia ite e rave rahi taata tei haafaufaa i te Basileia o te Atua, area te rahiraa o te mau haapaoraa, aita roa ïa. Ia au i te taata tuatapapa ra o H. G. Wells, ua haafaufaa rahi o Iesu i te haapiiraa o te Basileia o te ra‘i. Noa ’tu râ, aita roa te rahiraa o te mau haapaoraa Kerisetiano i haafaufaa a‘e i te reira.

Mea taa ê roa râ te mau Ite no Iehova i tera mau haapaoraa, te haafaufaa mau nei hoi ratou i te Basileia o te Atua. A feruri na, ua piahia teie vea faufaa mau ta oe e taio ra na roto 220 reo. Fatata 46 mirioni vea taitahi tei neneihia. Tera ïa te vea opere-roa ’‘e-hia na te ao. Eaha te poroi tumu o teie vea? A hi‘o na i te upoo parau taatoa: Te Pare Tiairaa e faaite ra i te Basileia o Iehova.  *

No te aha te mau Ite no Iehova e tutava ’i i te faaite, aore ra i te poro, i te Basileia o te Atua? Na mua roa, te tiaturi nei matou o te Basileia o te Atua te poroi tumu o te buka faufaa roa ’‘e na te ao, te Bibilia. Te tiaturi papu atoa nei matou o te Basileia o te Atua te ravea hoê roa no te faaafaro i te mau fifi ta te taata e faaruru nei.

Te tutava nei te mau Ite no Iehova i te pee i to Iesu hi‘oraa ia ite te taata eaha te Basileia o te Atua. I te fenua nei, o te Basileia o te Atua ta Iesu i haafaufaa roa ’‘e i roto i to ’na oraraa e ta ’na taviniraa. (Luka 4:43) No te aha e mea faufaa mau ai te Basileia no Iesu? E nafea oe e faufaahia ’i i te reira? Te faaitoito nei matou ia oe ia hi‘opoa i te mau pahonoraa i roto i te tumu parau i muri nei.

^ par. 5 O Iehova te i‘oa o te Atua i roto i te Bibilia.