Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  Novema 2014

 TUMU PARAU MATAMUA | TE BASILEIA O TE ATUA: E NAFEA OE E FAUFAAHIA ’I?

Te Basileia o te Atua, e nafea oe e faufaahia ’i i te reira?

Te Basileia o te Atua, e nafea oe e faufaahia ’i i te reira?

Mai ta oe i ite i roto i na tuhaa matamua o teie tumu parau, e mea faufaa roa te Basileia o te Atua no te mau Ite no Iehova. Ua maere paha oe i te ite vetahi haamaitairaa ta te Basileia o te Atua e faatupu a muri a‘e. Peneia‘e, te mana‘o atoa ra oe e moemoeâ noa tera mau parau fafau.

Mea au iho â ia haapao maitai hou a tiaturi ai i te parauhia ’tu. (Maseli 14:15) E nehenehe oe e faaauhia i te feia no Berea. * I te taime matamua a faaitehia ’tu ai te poroi apî o te Basileia, aita noa to Berea i farii tei parauhia ’tu no te mea ua hinaaro ratou ia riro te reira ei parau mau. Ua hi‘opoa maite râ ratou i te mau Papai i “te imiraa i te parau i papaihia ra i te mau mahana atoa.” (Ohipa 17:11) Ua faaau ïa ratou e ua tano anei te poroi i faaitehia ’tu i ta te mau Papai e parau ra. I muri a‘e, ua papu ia ratou no roto mai tera poroi i te Parau a te Atua.

Te faaitoito atura te mau Ite no Iehova ia oe ia na reira atoa. Ma te pûpû i te haapiiraa Bibilia tamoni ore, te hinaaro ra matou e vaiiho i te taata ia hi‘o ua tano anei ta te mau Ite no Iehova e tiaturi ra no nia i te Basileia o te Atua i ta te Bibilia e haapii ra.

Maoti te haapiiraa Bibilia, eita noa oe e taa eaha te Basileia o te Atua, e ite atoa râ i te pahonoraa i te mau uiraa faufaa roa.

Hau roa ’tu â, e tauturu atu te haapiiraa Bibilia ia oe ia “haafatata ’tu i te Atua.” (Iakobo 4:8) Ia piri noa to taairaa e te Atua, e ite atu â oe eaha te mau maitai ta te Basileia o te Atua e faatupu no oe i teie nei e a muri a‘e. A pure ai i to ’na Metua, na Iesu iho i parau: “Teie hoi te ora mure ore, ia ite ratou ia oe i te Atua mau ra, e ia Iesu i te Mesia i ta oe i tono mai.”—Ioane 17:3.

 

^ par. 4 I tahito ra, e oire Berea i Makedonia.

No te ite atu â

BUKA E BUKA RAIRAI

Ihea e ite ai i te pahonoraa i te mau uiraa faufaa roa o te oraraa?

E maiti anei oe i te ihi, te philosophia aore ra te Bibilia?

UIRAA A TE TAATA

Eaha te hoê haapiiraa Bibilia?

Pahonoraa i te mau uiraa no nia i ta matou haapiiraa Bibilia tamoni ore.