Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  Tiurai 2014

Te pahono ra te Bibilia

Te pahono ra te Bibilia

O vai te faatere mau ra i teie nei ao?

Ahiri o te Atua te faatere o teie nei ao, e itehia anei te mauiui i te fenua nei?

E rave rahi te tiaturi nei e o te Atua mau te faatere ra i teie nei ao. Ahiri tera iho â, e itehia anei te mauiui i te fenua nei? (Deuteronomi 32:4, 5) Ia au i te Bibilia, tei raro a‘e te ao i te faatereraa a te Diabolo.—A taio i te Ioane 1, 5:19.

Mea nafea oia i riro ai ei faatere no te huitaata? I te haamataraa, ua patoi te tahi melahi orure hau i te Atua e ua turai i na taata matamua ia na reira atoa. (Genese 3:1-6) Ua faaoti na hoa faaipoipo matamua ia auraro i tera melahi orure hau o Satani e ua farii ïa ia faatere oia ia raua. O te Atua mana hope ana‘e te faatere tia roa ’‘e, te hinaaro ra râ O ’na ia maiti te taata i ta ’na faatereraa no to ratou here ia ’na. (Deuteronomi 6:6; 30:16, 19) Ma te peapea, ua haavarehia te rahiraa a rave ai ratou i te faaotiraa hape mai na taata matamua.—A taio i te Apokalupo 12:9.

O vai te faaafaro i te mau fifi o te huitaata?

E vaiiho noa anei te Atua ia Satani ia faatere? Eita! E faaohipa te Atua ia Iesu no te faaore i te mau ohipa iino ta ’na i rave.—A taio i te Ioane 1, 3:8.

E haamou Iesu ia Satani ma te puai no ǒ mai i te Atua. (Roma 16:20) I muri iho, e faatere te Atua i te huitaata ia oaoa e ia hau ratou mai ta ’na i opua i te haamataraa.—A taio i te Apokalupo 21:3-5.

 

No te ite atu â

EAHA TA TE BIBILIA E HAAPII MAU RA?

Eaha te opuaraa a te Atua no te fenua?

E tupu anei te opuaraa a te Atua no te paradaiso i te fenua? Mai te peu e e, afea?