Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA ME 2014

Te pahono ra te Bibilia

Te pahono ra te Bibilia

E nafea tatou e faufaahia ’i i te pohe o Iesu?

A hamani ai i te taata, ua hinaaro te Atua ia ora ratou e a muri noa ’tu i te fenua nei, eiaha râ ia mauiui no te ma‘i e te pohe. Teie nei râ, ua faaroo ore te taata matamua ra o Adamu i to ’na Atua poiete e ua ere i te haamaitairaa e ora e a muri noa ’tu. (Roma 5:8, 12; 6:23) Ua tono mai te Atua parau mau ra o Iehova i ta ’na Tamaiti i te fenua nei no te pohe a nehenehe atu ai tatou e fana‘o i ta Adamu i ere.—A taio i te Ioane 3:16.

Ua pohe Iesu ia nehenehe te huitaata e ora e a muri noa ’tu. Mai te aha ïa te oraraa i te fenua nei i tera taime?

E nehenehe ta tatou mau hara e faaorehia e e fana‘o atoa i te ora mure ore maoti te pohe o Iesu. Te faataa ra te Bibilia i te huru oraraa i te fenua nei ia ore te ruhiruhia, te ma‘i e te pohe.—A taio i te Isaia 25:8; 33:24; Apokalupo 21:4, 5.

E nafea ia haamana‘o i te pohe o Iesu?

I te po hou oia a pohe ai, ua parau Iesu i ta ’na mau pǐpǐ ia haamana‘o i to ’na pohe na roto i te hoê oroa ohie ia faatupu. Ia na reira tatou i te mau matahiti atoa e ite ïa tatou i to Iesu e to Iehova here rahi no te huitaata.—A taio i te Luka 22:19, 20; Ioane 1, 4:9, 10.

 

No te ite atu â

Oroa haamana‘oraa i te pohe o Iesu

E mirioni taata te putuputu i te matahiti taitahi no te haamana‘o i te pohe o Iesu. Te titau-manihini-hia nei oe ia haapii i te faufaaraa o teie oroa no oe.

O vai o Iesu Mesia?

Haapii no te aha o Iesu te Mesia fafauhia, nohea mai o ’na e no te aha o ’na te Tamaiti fanau tahi a te Atua.

Te hoo—Te ô rahi roa ’‘e a te Atua

Eaha te hoo? E nafea oe e faufaahia ’i i te pohe o Iesu e te tia-faahou-raa?