Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA MATI 2014

 TUMU PARAU MATAMUA | TE POHE, TE HOPEA ANEI O TE MAU MEA ATOA?

Te tara o te pohe

Te tara o te pohe

E ere i te mea ohie ia tauaparau no nia i te pohe e eita atoa e rave rahi e hinaaro ia faahitihia te reira. Ia tae râ i te hoê mahana, e faaruru iho â tatou i tera ati. Ia puta tatou i te tara o te pohe, e mea mauiui roa.

Eita iho â tatou e ineine roa ia pohe te hoê metua, hoa faaipoipo aore ra tamarii. Ia tupu taue mai aore ra eita, e mauiui iho â tatou. I muri a‘e, o te hepohepo te itehia.

A pohe ai to ’na metua tane i muri a‘e i te hoê ati purumu, te na ô ra Antonio: “E au e ua ponao te tahi taata i te opani o to oe fare e ua haere e te taviri. Eita oe e nehenehe e tomo i roto noa ’tu e maa taime iti noa. I teie nei, e mana‘ona‘o noa ïa oe ia ’na, tirara ’tu ai. Noa ’tu e eita oe e farii e e mea tia ore tei tupu, eita e nehenehe e taui i te reira.”

E 47 matahiti to Dorothy a pohe ai ta ’na tane. Ua hinaaro oia e ite i te pahonoraa o te tahi mau uiraa. Ei orometua haapiiraa Tapati, aita oia i tiaturi o te pohe te hopea o te mau mea atoa. Aita râ o ’na i papu eaha te tupu mau i muri a‘e i te pohe. Tera te uiraa ta ’na i ani i te orometua o ta ’na ekalesia no Beretane tei pahono atu: “Aita hoê a‘e taata i taa i te reira, na oe iho â e ite atu.”

Mai tera noa iho â ïa? Aita anei e ravea no te ite e o te pohe anei te hopea o te mau mea atoa?