Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  Mati 2014

Te pahono ra te Bibilia

Te pahono ra te Bibilia

Eaha te tia ia ite no nia i te Atua?

Eita te taata e nehenehe e ite mata i te Atua no te mea e varua o ’na. Na ’na i poiete i te ra‘i, te fenua e te mau mea atoa. I vai noa na te Atua mai tahito mai â, aita ïa to ’na e haamataraa. (Salamo 90:2) Te hinaaro ra te Atua ia imi te taata ia ’na e ia ite ratou o vai o ’na.—A taio i te Ohipa 17:24-27.

E i‘oa to te Atua. Ma te mataitai i te mau mea ta ’na i poiete, e taa ia tatou vetahi o to ’na mau huru maitatai. (Roma 1:20) No te ite râ o vai o ’na, e titauhia ia haapii i ta ’na Parau, te Bibilia. Na te reira hoi e faaite mai e e Atua î i te here o ’na.—A taio i te Salamo 103:7-10.

Eaha to te Atua huru i mua i te ohipa tia ore?

Eita to tatou Atua poiete e au i te parau-tia ore. (Deuteronomi 25:16) Ua poiete o ’na i te taata ia au i to ’na huru, no reira te rahiraa e ore ai e au i te ohipa tia ore e rahi noa ’tura i teie mahana. E ere te Atua te tumu o te reira. Ua horoa mai te Atua i te tiamâraa ia maiti. Mea rahi râ te faaohipa hape nei i te reira ma te rave i te ohipa tia ore. E mauiui roa te Atua ia na reira te taata.—A taio i te Genese 6:5, 6; Deuteronomi 32:4, 5.

Mea au na Iehova i te parau-tia e eita oia e vaiiho i te ohipa tia ore e a muri noa ’tu. (Salamo 37:28, 29) Te fafau ra te Bibilia e fatata roa o ’na i te faaore roa i te reira.—A taio i te Petero 2, 3:7-9, 13.

Te fafau ra te Bibilia e fatata te Atua i te faaore i te ohipa tia ore atoa