Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA MATI 2014

 TUMU PARAU MATAMUA | TE POHE, TE HOPEA ANEI O TE MAU MEA ATOA?

O te pohe anei te hopea o te mau mea atoa?

O te pohe anei te hopea o te mau mea atoa?

E 3 kilometera i te atea ia Ierusalema, te vai ra te tahi oire iti o Betania te i‘oa. (Ioane 11:18) I reira, hou i to Iesu poheraa, ua roohia te tahi o to ’na hoa piri roa i te ma‘i e ua pohe.

A ite ai Iesu i te reira, ua parau oia i ta ’na mau pǐpǐ e ua taoto Lazaro e te tiai ra ia faaarahia oia. (Ioane 11:11) Aita râ ratou i taa i te auraa o ta ’na mau parau. Na ô atura ïa Iesu: “Ua pohe roa Lazaro.”—Ioane 11:14.

E maha mahana i muri a‘e i te hunaraa, tae atura Iesu i Betania e ua tamahanahana ia Mareta te tahi tuahine o Lazaro. Teie ta ’na i parau ia Iesu: “Ahiri oe i ǒ nei e ore e pohe tau tuaane.” (Ioane 11:17, 21) Ua pahono atu Iesu: “O vau te tiafaahouraa ’e te ora, o te faaroo mai ia’u, pohe noa ā oia, e ora a ïa.”—Ioane 11:25, Te Faufaa Api.

“E Lazaro, a haere mai i rapae.”

No te faaite e mea mau ta ’na i parau, tapiri atura Iesu i te menema e pii a‘era: “E Lazaro, a haere mai i rapae.” (Ioane 11:43) Ua maere roa to reira a ite ai ia ’na i te haereraa mai.

E piti taata ta Iesu i faatia faahou mai. O te tamahine a Iaeiro te tahi atu. Na mua ’‘e i te faatia mai ia ’na, ua faataa atoa Iesu e te taoto ra oia.—Luka 8:52.

A tapao na e no Iesu, i te poheraa Lazaro, ua “taoto” o ’na. Tera atoa ta ’na i parau no te tamahine a Iaeiro. No te aha e mea tano ai tera faahoho‘araa a Iesu? Ia pohe te taata, eita oia e oto e e mauiui faahou. (Koheleta 9:5; a hi‘o i te tumu parau tarenihia  “E au te pohe i te taoto.”) Ua taa maitai i te mau pǐpǐ a Iesu i te tupu no tei pohe. Teie tei papaihia i roto i te tahi buka: “No tei pee ia Iesu, e taotoraa te pohe, e e vahi hau te menema . . . no te feia i pohe i roto i te faaroo.”—Encyclopedia of Religion and Ethics.

 Mea tamahanahana mau ia ite e te taoto ra te feia pohe i roto i te apoo e aita ratou e mauiui ra. Ua ite tatou i teie nei te parau mau, eita ïa tatou e riaria i tei tupu i muri a‘e i te pohe.

“IA POHE TE TAATA NEI, E ORA FAAHOU ANEI?”

Noa ’tu e mea au te taotoraa, eita tatou e hinaaro e taoto e a muri noa ’tu, e ere anei? Eaha te haapapuraa e e faatia-faahou-hia mai te feia e taoto ra i roto i te pohe, mai tei ravehia no Lazaro e te tamahine a Iaeiro?

A taa ’i i te patereareha Ioba e ua fatata oia i te pohe, ua ani o ’na: “Ia pohe te taata nei, e ora faahou anei?”—Ioba 14:14.

Na ’na iho i pahono i ta ’na uiraa, ua na ô oia i te Atua mana hope: “Na oe e tiaoro mai, e na ’u e parau atu ia oe; e oto â oe i te ohipa a to rima i rave ra.” (Ioba 14:15) Ua papu ia Ioba e e hinaaro rahi to Iehova i te faaho‘i mai i te ora i to ’na tavini taiva ore. Mea faufaa ore anei to Ioba tiaturiraa? Aita roa ’tu.

Te haapapu maira te mau tia-faahou-raa ta Iesu i rave e ua horoa te Atua ia ’na i te mana i nia i te pohe. No reira te Bibilia e parau ai e tei ia Iesu “te taviri o te pohe.” (Apokalupo 1:18) E faaho‘i mai Iesu i te feia pohe i te ora mai ta ’na i rave no Lazaro.

E faahiti pinepine te Bibilia i te parau fafau o te tia-faahou-raa. Ua haapapu te tahi melahi i te peropheta Daniela e e taoto oia i roto i te pohe e e tia faahou mai râ i te hopea o te mau mahana. (Daniela 12:13) Ua parau Iesu i te mau Sadukea, te mau tia faaroo ati Iuda o tei ore i tiaturi i te tia-faahou-raa: “Te hape nei outou i te ite ore i te parau i papaihia ra, e te mana o te Atua.” (Mataio 22:23, 29) Ua na ô te aposetolo Paulo: “Te tiaturi nei au i te Atua . . . e e tia-faahou-raa to tei pohe, te feia parau-tia e te feia parau-tia ore.”—Ohipa 24:15.

AFEA TE FEIA POHE E TIA FAAHOU MAI AI?

Afea te tia-faahou-raa o te feia parau-tia e parau-tia ore e tupu ai? Ua parau te melahi ia Daniela e e tia faahou mai oia “i te hopea o te mau mahana.” No to ’na taeae Lazaro, ua tiaturi atoa Mareta e “e tia faahou mai â oia ia tae i te tia-faahou-raa i te mahana hopea.”—Ioane 11:24.

Ia au i te Bibilia, ua taaihia tera “mahana hopea” i te taime e faatere ai te Mesia i te Basileia o te Atua. Ua papai Paulo no Iesu: “Ei ia ’na hoi te hau, e ia hope roa te mau enemi atoa i te tuuhia e [te Atua] i raro a‘e i tana avae. E taua enemi hopea ra o te pohe, e haamouhia ïa.” (Korinetia 1, 15:25, 26) Tera te tahi tumu faufaa roa no te pure ia tae mai to te Atua Basileia e ia tupu to ’Na hinaaro i te fenua nei. *

Ua papu ia Ioba e o te hinaaro o te Atua ia tia faahou mai te feia pohe. Ia tae i tera mahana, e faaore-roa-hia te pohe. E ore roa te taata e ani faahou: “O te pohe anei te hopea o te mau mea atoa?”

^ par. 18 No te ite atu â no nia i te Basileia o te Atua, a hi‘o i te pene 8 o te buka Eaha ta te Bibilia e haapii mau ra? piahia e te mau Ite no Iehova.