Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  Tetepa 2013

Te vai ra anei te tahi haapaoraa papu?

Te vai ra anei te tahi haapaoraa papu?

Ua inoino anei oe i te tahi haapaoraa? Eita paha ïa oe e hinaaro e faaô i roto i te tahi atu. Te vai ra râ te hoê haapaoraa papu. I te fenua nei, ua haaputuputu Iesu i ta ’na mau pǐpǐ haapao maitai ei pǔpǔ e ua haapii ia ratou ia ora ia au i te mau ture aveia a te Atua. I teie atoa mahana, te vai ra te mau pǐpǐ a te Mesia o te tutava nei i te ora ia au i te mau ture aveia Kerisetiano. O vai ratou?

Ua parau Estelle tei faahitihia ’tu na: “Ua haamata vau i te taa i te Bibilia i to ’u haapiiraa e te mau Ite no Iehova. Aita i maoro roa to ’u taaraa i te Ioane 8:32 o te na ô ra: ‘E ite ïa outou i te parau mau, e na te parau mau outou e faatiamâ.’”

Ua tapao atoa o Ray tei faahitihia ’tu na: “Maoti ta ’u haapiiraa Bibilia e te mau Ite no Iehova, ua ite au e e ere te Atua te tumu o te mauiui o te taata. Ua oaoa roa vau i te ite noa ’tu e e tumu maitai iho â i vaiiho ai te Atua i te ino i teie mahana, fatata râ oia i te faaore i te reira mai ta ’na i tǎpǔ.”

I te mea e e rave rahi o te haafaufaa ore nei i te mau ture aveia morare, e ere ïa i te mea ohie ia rave i te mea maitai. Tera râ, e nehenehe. Te hinaaro ra te rahiraa taata i te tauturu no te taa e faaohipa i te Bibilia. No reira te mau Ite no Iehova e faatere ai i te mau haapiiraa Bibilia ma te tamoni ore i te fare e te mau mirioni taata na te ao. I te mau hebedoma atoa, te hi‘opoa nei ratou i ta te Bibilia e haapii mau ra. Ma te na reira, e haafatata ’tu ratou i to ratou Atua Poiete e a ite atu ai i te hoê oraraa oaoa. *

No te aha e ore ai e ani i te mau Ite no Iehova i te tumu e haapao ai ratou i ta ratou haapaoraa?

Ia farerei noa ’tu oe te mau Ite no Iehova, no te aha e ore ai e ani atu eaha te tumu i tiaturi ai ratou i ta ratou haapaoraa? A hi‘opoa i ta ratou mau haapiiraa e to ratou haerea. I muri a‘e, na oe iho e ite e te vai mau ra anei te hoê haapaoraa papu.

^ par. 5 No te mau haamaramaramaraa hau, a hi‘o i te buka Eaha ta te Bibilia e haapii mau ra? piahia e te mau Ite no Iehova.

No te ite atu â

PARAU APÎ OAOA A TE ATUA

E nafea e itehia ’i te haamoriraa mau?

Hoê ana‘e anei haapaoraa mau? Hi‘o e pae ravea no te ite i te haamoriraa mau.

TE PARE TIAIRAA

No te aha e haapii ai i te Bibilia?

Ua mana‘o a’ena oe i teie mau parau, “Aita to ’u e taime,” aore ra “Aita vau e hinaaro ra”?