Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TETEPA 2013

Eaha te mana‘o o ta oe haapaoraa i te mau faaueraa tumu Bibilia no nia i te haerea maitai e ino?

Eaha te mana‘o o ta oe haapaoraa i te mau faaueraa tumu Bibilia no nia i te haerea maitai e ino?

Te na ô ra Sylvia, te tahi rave ohipa o te hoê fare ruau: “I te fare haapiiraa, mea rahi tei parau e e haapaoraa ta ratou. Noa ’tu râ, i te hi‘opoaraa, e punu na ratou a rave atu ai i te raau taero. Aita ratou e tâu‘a ra i te haapaoraa i roto i te oraraa.”

Ua parau te tahi taata o Lionel te i‘oa: “E haavare noa to ’u mau hoa rave ohipa. Aita ana‘e ratou i ma‘ihia, e parau ïa ratou e ua ma‘ihia ratou. E haapaoraa ta ratou, no te faaiteite noa râ te reira.”

Noa ’tu e e haapaoraa ta te rahiraa, eita te taata e haapao i te reira i roto i te oraraa. E rave rahi i teie mahana e “hoho‘a paieti hoi to ratou, te puai râ o te reira ra, ua hunahia ïa ia ratou.” (Timoteo 2, 3:5) Aita to ratou mau tia faaroo e horoa ra i te hi‘oraa maitai e e faaite ra i te mau a‘oraa Bibilia no nia i te haerea maitai i to ratou mau taata. Eita ïa tatou e maere e e rave rahi o te tiaturi ra e aita te Atua e haapao ra i te huru o to ratou oraraa.

EAHA TA TE BIBILIA E HAAPII RA?

Ia au i te Bibilia, e oaoa aore ra e oto te Atua. No ’na, e mea faufaa roa to tatou haerea. I to Iseraela i tahito ra orure-hau-raa i te Atua, ‘ua faariri ratou ia ’na.’ (Salamo 78:40) Tera râ, e “oaoa rahi to nia i te ra‘i” ia taui te hoê taata i to ’na haerea. (Luka 15:7) Ia haafaufaa te hoê taata i te mau huru maitatai o to tatou Metua i te ra‘i, e rahi mai to ’na here ia Iehova e e turai te reira ia ’na ia hinaaro i ta te Atua e au e e haapae i ta ’na e ore e au.—Amosa 5:15.

EAHA TE HAEREA O TE MAU ITE NO IEHOVA?

No nia i te mau Ite no Iehova, te faataa ra te hoê vea i Salt Lake City i Utah: “E taairaa maitai roa to ratou e te mau melo o te utuafare e e taata rave ohipa, tauturu ia vetahi ê e te maitai.” Te na ô faahou ra te vea: “Te pee nei te mau melo i te mau faaueraa tumu no nia i te haerea. No ratou, e haafifi te puhipuhiraa i te avaava, te inu-hua-raa i te ava, te raveraa i te raau taero, te pere moni, te ohipa taiata e mahu i te taairaa e te Atua.”—Deseret News.

Te tauturu ra anei te mau tia faaroo i to ratou mau taata ia faaohipa i ta te Atua mau ture aveia?

Nafea te haapiiraa no nia i te huru o te Atua e tauturu ai i te mau Ite? Te parau ra o Sylvia tei faahitihia na, “Mea matauhia te haavare i roto i te fare ruau, e mea ohie ia apiti atu. Ua tauturu râ te iteraa eaha te mana‘o o Iehova * no nia i te reira ia rave i te mea maitai, e ua fana‘o vau te oaoa e te hau o roto mai.” Ua papu ia Sylvia e ia pee oia i ta ’na mau tiaturiraa faaroo, e maitai to ’na oraraa.

^ par. 9 I roto i te Bibilia, o Iehova te i‘oa o te Atua.