Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TETEPA 2013

Te pahono ra te Bibilia

Te pahono ra te Bibilia

E faaroo anei te Atua i te mau pure atoa?

E faaroo te Atua i te taata no te mau nunaa atoa. (Salamo 145:18, 19) Te faaitoito maira ta ’na Parau te Bibilia ia faaite ia ’na i to tatou mau peapea. (Philipi 4:6, 7) Te vai ra râ te mau pure ta te Atua e ore e au, mai te mau pure tamau-aau-hia.—A taio i te Mataio 6:7.

Eita atoa Iehova e au i te mau pure a te taata e haafaufaa ore i ta ’na mau ture. (Maseli 28:9) I tahito ra, aita te Atua i faaroo i te mau Iseraela tei taparahi i te taata. E mea tia ia ite eaha te rave ia faaroo te Atua i ta tatou mau pure.—A taio i te Isaia 1:15.

E nafea ia faaroo te Atua i ta tatou pure?

Mea faufaa te faaroo no te haafatata i te Atua. (Iakobo 1:5, 6) Ia papu ia tatou e te vai mau ra e te tâu‘a maira oia e tia ’i. Tei roto i te Parau a te Atua te mau parau fafau e haapapuraa o te reira. Ma te haapii i te Bibilia e noaa ’i ia tatou te faaroo.—A taio i te Hebera 11:1, 6.

E mea tia ia haehaa e ia pure tatou ma te aau atoa. Noa ’tu e o ’na te Tamaiti a te Atua, ua pure Iesu ma te haehaa. (Luka 22:41, 42) Eiaha ïa e parau noa i ta te Atua e tia ia rave, e haapii ana‘e râ i ta ’na mau titauraa ma te taio i te Bibilia. I muri a‘e, e pure tatou ma te haapao i to ’na hinaaro.—A taio i te Ioane 1, 5:14.

 

No te ite atu â

A haafatata ’tu i te Atua na roto i te pure

E faaroo anei te Atua i ta oe mau pure? No te pahono i teie uiraa, mea faufaa ia taa ia oe i ta te Bibilia e haapii ra no nia i te pure.