Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TIURAI 2013

E tiaturi anei oe i te Atua?

E tiaturi anei oe i te Atua?

EAHA to huru ia rave te hoê hoa piri roa i te tahi mea ta oe e ore e taa? Ia parau mai vetahi e e taata ino oia, e farii anei oe aore ra e tiai i ta to hoa e faatia ’tu? Mai te peu e aita o ’na i reira, e tiai iho â oe i ta ’na e faataa ’tu no te ite i te tupuraa mau.

Hou a pahono ai, ia ite iho â oe i tei tupu. E uiui paha ïa oe, ‘Ua matau mau anei au ia ’na? No te aha oia i riro ai ei hoa piri no ’u?’ A feruri na râ: E tano atoa anei ia uiui mai tera no te ite mea ino anei te Atua?

Mea fifi paha ia maramarama i te tahi mau haaraa a te Atua aore ra e mea huru ê ia ite e te vaiiho nei oia i te ati ia tupu. E rave rahi atoa hoi tei parau atu e mea ino te Atua. E tiai anei oe i ta te Atua e parau mai? Hou a farii ai i to vetahi ê mana‘o, e titauhia ia ite atu â oe. A ui na, ‘Eaha ta te Atua i ho mai?’

E ere ana‘e te oraraa i te mea oaoa, e mana‘o paha ïa oe e ere te Atua i te hoa maitai. A feruri na râ maa taime. E ere o ’na te tumu o te mau fifi o te oraraa, o te mau oaoaraa râ. Mai tei parauhia ’tu na, o Satani “te arii o teie nei ao” e ere o Iehova. (Ioane 12:31) O Satani ïa te faatupu nei i te mauiui e te ino. O tatou atoa paha aore ra te mau tupuraa mana‘o-ore-hia te tumu o te mau fifi.

E ere o ’na te tumu o te mau fifi o te oraraa, o te mau oaoaraa râ

Eaha râ ta te Atua i horoa mai? A hi‘o na i ta te Bibilia e parau ra, o te Atua “te hamani i te mau ra‘i e te fenua nei,” oia atoa to tatou tino, tei ‘taa ê hoi te hamaniraahia.’ Hau atu â, tei roto i te rima o te Atua ra Iehova to aho. (Salamo 124:8; 139:14; Daniela 5:23) Eaha ïa te auraa?

No ’na ïa to tatou ora e aho i te mea e o ’na te Atua Poiete. (Ohipa 17:28) Mai te ora, te nehenehe o te mau mea e haaati ra ia tatou, te mau maitai o te here e auhoaraa e tae roa ’tu i te oaoa ia amu i te maa, ia tauahi i tei herehia e tatou, ia faaroo i te pehe e ia hau‘a i te no‘ano‘a o te tiare, e ô ana‘e ïa no ǒ mai i te Atua. (Iakobo 1:17) E ere anei ïa oia i te Hoa maitai roa e te tia ia tiaturihia?

Mea fifi râ paha no oe ia na reira. Peneia‘e no te mea aita oe i matau maitai atu. Aita i faaite-pauroa-hia ’tu te mau tumu e mana‘o ai te taata e mea ino te Atua. No te aha e ore ai e tutava i te ite atu â no nia ia ’na? * Ma te na reira, e ite oe i te parau mau a matau roa ’tu ai. E taa ïa ia oe e e ere oia i te mea ino e “e aroha hoi te Atua.”—Ioane 1, 4:8.

^ par. 8 No te ite atu â no te aha te Atua e vaiiho noa ’i ia tupu te ino, a hi‘o i te pene 11 o te buka Eaha ta te Bibilia e haapii mau ra? piahia e te mau Ite no Iehova.

 

No te ite atu â

No te aha te Atua e vaiiho noa ’i i te ino e te mauiui?

Nohea mai te ino, e no te aha te Atua e vaiiho noa ’i i te reira? E ore roa anei te mauiui?