Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TIURAI 2013

Te mau ati natura—E haapapuraa anei e mea ino te Atua?

Te mau ati natura—E haapapuraa anei e mea ino te Atua?

TA TE TAATA E PARAU RA: “Na te Atua e faatere ra i te ao, na ’na ïa e faatupu ra i te mau ati natura. Mea ino iho â ïa o ’na!”

TA TE BIBILIA E PARAU RA: “Te vai noa nei to te ao atoa i raro a‘e i taua varua ino ra.” (Ioane 1, 5:19) O vai ïa “taua varua ino ra”? Ia au i te Bibilia, o Satani. (Mataio 13:19; Mareko 4:15) Mea huru ê anei te reira? A feruri na: Mai te peu e o Satani te mana ra i nia i teie ao, e turai iho â ïa o ’na i te taata ia riro ei mea miimii, nounou e maamaa mai ia ’na. E ere anei tera te tumu e tuino ai te taata i te natura? Ia au i te mau aivanaa, no te reira e tupu ai e e rahi roa ’i te mau ati natura a fifi roa ’tu ai te taata.

No te aha ïa te Atua e vaiiho ai ia Satani ia faatere i teie nei ao? No te ite i te pahonoraa, e ho‘i ana‘e i te haamataraa o te taata a orure hau ai to tatou na tupuna i te Atua. Mai reira mai, ua pee te rahiraa i to raua haerea. Ua patoi i ta te Atua faatereraa e ua farii atu i ta Satani, to ’na enemi. Ua parau Iesu e o oia “te arii o teie nei ao.” (Ioane 14:30) E faatere anei Satani e a muri noa ’tu? Eita!

No ta Satani mau haaraa e ati ai te huitaata. Te mauiui mau ra Iehova * ia ite i te reira. A fifihia ’i te nunaa Iseraela, te na ô ra te Bibilia: “To ratou atoa ra mau ati aore oia i mârô atu ia ratou.” Ua aroha noa ’tu ïa Iehova. (Isaia 63:9) Ma te hamani maitai, fatata roa oia i te haamou i te faatere ino ra o Satani! Ua maiti oia i ta ’na Tamaiti, Iesu Mesia, ei Arii parau-tia e a muri noa ’tu.

E NAFEA OE E FAUFAAHIA ’I? Aita Satani i paruru i te taata i te mau ati natura, e na reira râ Iesu. O ta ’na iho â ïa i rave no ta ’na mau pǐpǐ a tupu ai te tahi vero. Te faatia ra te Bibilia: “Ua . . . avau atura i te mata‘i, e ua na ô atura i te are, A faaea, a mania. Pohe ihora te mata‘i, mania roa ’tura.” Na ô a‘era ta ’na mau pǐpǐ: “O vai hoi teie o tei faaroo te mata‘i e te moana atoa ia ’na?” (Mareko 4:37-41) I raro a‘e i ta ’na faatereraa, e paruru iho â ïa Iesu i te taata auraro atoa.—Daniela 7:13, 14.

^ par. 5 I roto i te Bibilia, o Iehova te i‘oa o te Atua.