Eaha to roto?

Mau faaho'iraa ê

Tapura tumu parau

Ite no Iehova

Tahiti

TE PARE TIAIRAA (HAAPIIRAA) NOVEMA 2015

Uiraa a te feia taio

Uiraa a te feia taio

Eaha ta te mau ihipǎpǎ i ite o te faaite ra e i haruhia ’i Ieriko no te hoê taime poto?

Ia au i te Iosua 6:10-15, 20, ua haere te mau faehau Iseraela na raro a haaati ai i te oire no Ieriko hoê taime i te mahana i te roaraa e ono mahana. I te hituraa o te mahana, ua haaati ratou i te oire e hitu taime. E i muri iho, ua haamairi te Atua i te mau patu etaeta o Ieriko, e ua haru te mau Iseraela i te oire. Ua ite anei te mau ihipǎpǎ i te tahi mau haapapuraa o te faaite ra e mea poto roa te taime a haruhia ’i Ieriko, mai ta te Bibilia e parau ra?

I te tau tahito ra, e haruhia te hoê oire ia haaati te hoê pǔpǔ faehau i te mau patu o tei ineine i te aro atu, teie te haaatiraa o te hoê oire. Ia maoro roa ana‘e te haaatiraa, e amu ïa te taata o tera oire i te rahiraa o te maa o ta ratou i haaputu na. Ia haru ana‘e te mau faehau i te oire, e rave pauroa ratou i te mau mea ta ratou i hinaaro, e oia atoa te maa i toe mai. No reira, ia au i te mau ihipǎpǎ, mea iti aore ra aita roa ’tu e maa i roto i te mau hu‘ahu‘a o te mau oire i Paretetina o tei arohia. Mea ê râ te mau hu‘ahu‘a o Ieriko. Te parau ra te hoê buka: “Te maa rahi roa ’‘e i reira o tei itehia i roto i te haamouraa, taa ê atu i te mau potera, o te huero kerite ïa. Mea faahiahia mau te rahiraa huero tei itehia.”—Biblical Archaeology Review.

Te parau ra te Bibilia e aita te mau Iseraela i rave hoê noa ’‘e maa i Ieriko no te mea ua faaue Iehova ia ratou eiaha e na reira. (Ios. 6:17, 18) Ua faaite atoa te reira e ua aro te mau Iseraela i to Ieriko i te tau uaaraa tiare, i muri iho i te auhuneraa, ia rahi mai te huero o tei haaputuhia i te oire. (Ios. 3:15-17; 5:10) Te haapapu ra te vai-noa-raa e rave rahi huero i muri iho i te haaatiraahia Ieriko e ua potohia te taime a haaatihia ’i te oire, mai ta te Bibilia e parau ra.