Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA (HAAPIIRAA) EPERERA 2015

E nehenehe anei te hoê tumu raau tei tâpûhia e tupu faahou?

E nehenehe anei te hoê tumu raau tei tâpûhia e tupu faahou?

IA FAAAUHIA i te hoê tumu arezi no Lebanona nehenehe mau, e ere paha te tumu raau olive taviriviri i te mea faahiahia. Tera râ, e nehenehe te tumu olive e ora mai i te mau tupuraa fifi mau. E 1 000 matahiti to te tahi mau tumu. E haere hohonu to ratou mau a‘a i roto i te repo e e nehenehe te tumu raau e ora faahou mai noa ’tu e ua tâpûhia te tumu. Mai te peu e aita te a‘a i pohe, e tupu faahou mai te reira.

Ua papu i te taata taiva ore ra o Ioba e ia pohe noa ’tu oia, e ora faahou mai oia. (Ioba 14:13-15) Ua faaohipa oia i te hi‘oraa o te hoê tumu raau, peneia‘e te hoê tumu olive, no te faaite i to ’na tiaturi e e nehenehe te Atua e faatia faahou mai ia ’na. Ua parau Ioba: “E mana‘oraa hoi tei te raau ra, ia tâpûhia ra, e e tupu faahou te ohǐ.” Ia ûa mai i muri a‘e i te paurâ, e ora faahou mai te hoê amaa olive mǎrô e e “ohi-faahou-hia ïa mai tei tanuhia ra.”—Ioba 14:7-9.

E tiai ru te hoê taata faaapu ia ora faahou mai te hoê tumu olive o tei tâpûhia. Oia atoa o Iehova, te tiai ru nei oia i te faatia faahou mai i ta ’na mau tavini e e rave rahi atu â taata. (Mat. 22:31, 32; Ioa. 5:28, 29; Ohi. 24:15) A feruri na i to tatou oaoa rahi a farii popou ai i te feia pohe ia faaho‘ihia mai ratou i te ora!