Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA (HAAPIIRAA) TITEMA 2014

Ua ‘ite o ’na i te e‘a’

Ua ‘ite o ’na i te e‘a’

I TE Mahana piti 18 no Mati 2014, i te 79raa o to ’na matahiti, ua faaoti te hoê melo o te Tino aratai a te mau Ite no Iehova ra o Guy Hollis Pierce i ta ’na hororaa i te fenua. Ei taeae o te Mesia, ua faatia-faahou-hia oia e ua fana‘o i ta ’na haamaitairaa i te ra‘i.—Heb. 2:10-12; Pet. 1, 3:18.

Ua fanauhia Guy Pierce i Auburn i Kalifonia (Marite) i te 6 no Novema 1934 e ua bapetizohia i 1955. Ua faaipoipo o ’na i ta ’na vahine here ra o Penny i 1977 e ua tamariihia raua. E au atoa o ’na i te papa no e rave rahi. I 1982, ua haamata raua Penny i te taviniraa pionie. E i 1986, ua tavini oia ei tiaau haaati i Marite 11 matahiti i te maoro.

I 1997, ua haamata Guy raua Penny Pierce i te tavini ei melo o te utuafare o te Betela i Marite. Ua ohipa taeae Pierce i roto i te Tuhaa taviniraa e i 1998 ua maitihia ei tauturu a te Tomite o te mau rave ohipa a te Tino aratai. I te 2 no Atopa 1999, i te rururaa matahiti, ua faaitehia e ua maitihia o ’na ei melo o te Tino aratai. I te mau matahiti i mairi, ua tavini o ’na e te mau Tomite no te mau rave ohipa, no te papairaa, no te piaraa e o te mau tiaau.

E mata ataata to taeae Pierce e mea hoata atoa. Eita te taata e huru ê i te haere ia ’na ra noa ’tu nohea mai ratou e to ratou ta‘ere. Ta te taata râ i au roa ia ’na, o to ’na ïa here, to ’na haehaa, to ’na faatura i ta te Atua mau ture e aratairaa e to ’na tiaturi papu ia Iehova. E pinepine taeae Pierce i te parau e mea papu a‘e te tupuraa o te mau parau fafau a Iehova i te hitiraa o te mahana. E ua hinaaro oia ia ite te taata atoa i te reira.

Ua ohipa puai taeae Pierce no Iehova, mai te aahiata e e pinepine tae roa ’tu i te maororaa po. Ua revareva o ’na na te ao no te faaitoito i to ’na mau taeae e tuahine Kerisetiano. E taime noa iho â to ’na no te feia atoa e ani i ta ’na tauturu aore ra i te tahi a‘oraa. E rave rahi matahiti atoa i muri a‘e, te haamana‘o ra te mau hoa haamori i to ’na farii maitai, to ’na auhoaraa e ta ’na mau faaitoitoraa niuhia i nia i te Bibilia.

E mihi te vahine o to tatou taeae e hoa here ia ’na, oia atoa ta ’na na tamarii e ono, ta ’na mau mootua e hina e ta ’na tamarii pae varua e rave rahi. Na Mark Sanderson, te tahi atu melo o te Tino aratai, i vauvau i te oreroraa parau hunaraa a te taeae Pierce i te Betela i Brooklyn i te Mahana maa 22 no Mati 2014. Ua faahiti o ’na i te tiaturiraa e ora i te ra‘i o te taeae Pierce e ua taio i ta Iesu mau parau: “E rave rahi te parahiraa mau i te fare o tau Metua ra . . . E ua oti ana‘e i te faaauhia e au te hoê vahi no outou ra, e ho‘i mai au e aratai ia outou i o ’u ra; ei reira atoa outou i te vahi e parahihia e au ra. Ua ite hoi outou i teie nei vahi ta ’u e haere nei, e ua ite hoi outou i te e‘a.”—Ioa. 14:2-4.

E mihi mau tatou ia taeae Pierce. Te oaoa nei râ tatou e ua ‘ite o ’na i te e‘a’ o to ’na “parahiraa” tamau.

No te ite atu â

Parau faataa o te rururaa matahiti—Atopa 2013

Ua hau atu i te 1,4 mirioni taata no e 31 fenua tei apiti atu i teie rururaa faahiahia mau. I reira te faaiteraahia te neneiraa faaapîhia o te Huriraa o te ao apî o te mau Papai mo‘a reo Beretane.