Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa—Haapiiraa  |  Titema 2013

Te haamana‘o ra anei oe?

Te haamana‘o ra anei oe?

Ua taio maitai anei oe i te mau numera hopea o Te Pare Tiairaa? A tamata ïa i te pahono i teie mau uiraa:

Afea Iesu i ‘a‘o ai i te mau varua i roto i te tapearaa’? (Pet. 1, 3:19)

E au ra e i muri a‘e i te faatia-faahou-raahia Iesu, ua faaite o ’na i te mau varua iino e e haamouhia iho â ratou.—15/6, api 23.

No te aha e ere ai ta te Atua mau faautuaraa mai te tama‘i a te taata?

Ia au i te Deuteronomi 32:4, te ite nei te Atua i te aau, oia hoi i te huru mau o te taata. Ua here ana‘e tatou ia Iehova, e oaoa ïa tatou ia faaore oia i te mauiui ma te haamou i te feia e patoi ra i ta ’na faatereraa tia.—1/7, api 6.

No te aha eita ’i te taata e hopoi mai i te hau i te fenua nei?

Te faaite ra te Bibilia e piti tumu. A tahi, ia au i te Ieremia 10:23, aita te taata i hamanihia no te faatere ia ’na iho. Te piti, ia au i te Ioane 1, 5:19, “te vai noa nei to te ao atoa i raro a‘e i taua varua ino” o Satani te Diabolo. Noa ’tu ïa te mau tutavaraa, eita te taata e nehenehe e hopoi mai i te hau i te fenua nei.—1/7, api 15.

Afea Iesu e haava ’i i te taata ei mamoe aore ra ei puaaniho? (Mat. 25:32)

E tupu te reira ia haere mai Iesu no te haava i te taata i te ati rahi, i muri iho i te haamouraa o te haapaoraa hape.—15/7, api 6.

Afea te feia rave i te parau ino faahitihia i roto i te parabole o te sitona e te zizania e oto e e auau ai i to ratou niho? (Mat. 13:36, 41, 42)

E na reira ratou i te ati rahi a taa ’i e aita e hororaa, e haamouhia iho â ratou.—15/7, api 13.

Afea ta Iesu mau parau no nia i te tavini haapao maitai e te paari i te tupuraa? (Mat. 24:45-47)

Ua haamata te reira i te tupu i muri iho i te matahiti 1914, eiaha râ i te Penetekose 33. I 1919, ua faatoroahia te tavini i nia i te utuafare, oia hoi te mau Kerisetiano atoa e faaamuhia i te pae varua.—15/7, api 21-23.

Afea Iesu e faatoroa ’i i te tavini haapao maitai i nia i ta ’na atoa ra mau tao‘a?

E tupu te reira i te ati rahi a fana‘o ai te tavini haapao maitai i ta ’na haamaitairaa i te ra‘i.—15/7, api 25.

Hau atu i te puai no ǒ mai i te Atua, eaha tei tauturu i na 230 Ite ia ora mai a faahaerehia ’i ratou mai te aua haavîraa o Sachsenhausen mai?

Noa ’tu te poia e te ma‘ima‘i, ua faaitoito noa ratou te tahi i te tahi ia tamau â.—15/8, api 18.

E nafea ia ite e te fana‘o nei tatou i te hamani maitai o Iehova?

Te horoa nei te Ohipa 14:16, 17 e toru haapapuraa. A tahi, ua horoa mai Iehova i te tiamâraa. Te piti, te hinaaro ra o ’na ia ite tatou o vai ra o ’na. E te toru, te hinaaro ra o ’na ia oaoa tatou.—1/9, api 10.

No te aha te faatiaraa o te mau Iseraela tei haere i te tahi a‘e pae o te anavai Ioridana no te haere i te Fenua tǎpǔhia e faaitoito ai ia tatou?

Noa ’tu e ua î te anavai i te pape, ua tapea Iehova i to ’na taheraa ia nehenehe to ’na nunaa e haere i te tahi a‘e pae. Aita e hape e ua puaihia to ratou faaroo e tiaturi ia Iehova. E itoito-atoa-hia tatou i tera faatiaraa.—15/9, api 16.

Ei Kerisetiano, eaha te haapii mai i ta Paulo mau parau i roto i te Korinetia 2, 9:7?

E faaohipa ana‘e i te taime, puai aore ra ta tatou mau faufaa no vetahi ê, te feia iho â râ e faaruru ra i te fifi. No te aha? No te mea ua faaoti e ua hinaaro tatou e na reira. E ere noa tatou te oaoa, o te Atua râ o te ‘hinaaro i te taata horoa noa.’—1/11, api 8.

E nafea te parau tohu o te Mika 5:5 no nia i te mau arii e tiai e tupu ai i teie mahana?

Te taa ra ia tatou e ‘na tavana aore ra tiai toohitu e na arii toovau’ o te Mika 5:5, o te mau matahiapo ïa tei faatoroahia i roto i te amuiraa. Te faaitoito nei ratou i to te Atua nunaa. Ua tohuhia hoi e e arohia mai te nunaa o te Atua.—15/11, api 20.