Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA (HAAPIIRAA) TIURAI 2013

Te melo apî o te Tino aratai

Te melo apî o te Tino aratai

I te Mahana toru poipoi, i te 5 no Tetepa 2012, ua faaitehia i te utuafare o te Betela i Marite e Kanada e e melo apî to roto i te Tino aratai a te mau Ite no Iehova. Ua haamata ïa Mark Sanderson i te na reira i te 1 no Tetepa 2012.

Ua paari te taeae Sanderson e to ’na na metua Kerisetiano i San Diego, Kalifonia, Marite. E ua bapetizo o ’na ia ’na i te 9 no Fepuare 1975. I te 1 no Tetepa 1983, ua riro oia ei pionie i Saskatchewan, Kanada. I Titema 1990, ua apiti o ’na i te hituraa o te pǔpǔ o te Haapiiraa faaineineraa no te taviniraa (Haapiiraa no te mau taeae taa noa i teie nei) i Marite. Ua faatoroahia oia ei pionie taa ê i te motu o Terre-Neuve, Kanada, i te Eperera 1991. Ua mono atoa na o ’na i te tiaau haaati e i muri a‘e, i Fepuare 1997, titau-manihini-hia ’tura oia ia riro ei melo o te Betela i Kanada. I Novema 2000, ua tonohia o ’na i te amaa i Marite e tavini atura i roto i te Tuhaa haamaramaramaraa i te pae rapaauraa e i muri a‘e i roto i te Tuhaa taviniraa.

I Tetepa 2008, ua apiti te taeae Sanderson i te Haapiiraa no te mau melo o te tomite amaa. E i muri a‘e, maitihia ’tura oia ei melo o te tomite amaa i Philipino. I Tetepa 2010, titau-manihini-hia ’tura oia e ho‘i i Marite e tauturu i te Tomite taviniraa a te Tino aratai.